ডিজিটেল ডেস্কঃ প্ৰায় ২৩৩ টা মুদ্ৰা, নখৰ টুকুৰা, বেটাৰী, চুম্বক, স্ক্ৰু, কাঁচৰ টুকুৰা! নাই কোনো জাবৰ-জোঁথৰ বা ডাষ্টবিনৰ কথা কোৱা হোৱা নাই। এয়া এজন মানুহৰ পাকস্থলীৰ ছবি। এগৰাকী ব্যক্তিৰ পেটত উদ্ধাৰ কৰা হৈছে এইসকলোবোৰ। স্বাভাৱিকতে, এক আশ্চৰ্যজনক খবৰ! আচৰিত হৈ পৰিছে অস্ত্ৰোপচাৰৰ সৈতে জড়িণত সংশ্লিষ্ট চিকিৎসক সকলো! তুৰস্কত সংঘটিত হৈছে এই ঘটনা।
প্ৰচণ্ড পেটৰ বিষত ভোগা ৩৫ বছৰীয়া এগৰাকী ৰোগীয়ে চিকিৎসকৰ ওচৰলৈ গৈছিল। পৰীক্ষা-নিৰীক্ষাৰ পিছতে চকু কপালত উঠিল চিকিত্সকৰ! সেই ব্যক্তিজনৰ পেটত এই সকলোবোৰ অদ্ভুত সামগ্ৰী উদ্ধাৰ কৰিছে। অস্ত্ৰোপচাৰৰ জৰিয়তে অৱশ্যে লাভ কৰা সামগ্ৰীসমূহ আঁতৰাই পেলোৱা হয়। লোকজনৰ নাম এতিয়ালৈকে প্ৰকাশ কৰা হোৱা নাই। এটা এটাকৈ ২৩৩ টা মুদ্ৰা, নখ, বেটাৰী, চুম্বক, স্ক্ৰু আৰু কাঁচৰ টুকুৰাবোৰ অস্ত্ৰোপচাৰৰ দ্বাৰা আঁতৰাই পেলোৱা হয়। চিকিৎসকে অস্ত্ৰোপচাৰৰ পিছত তেওঁ সম্পূৰ্ণ সুস্থ বুলি জনায়।
সংশ্লিষ্ট অস্ত্ৰোপচাৰ বিশেষজ্ঞগৰাকীয়ে কয় যে, ‘আমি সেই ব্যক্তিজনৰ পেট সম্পূৰ্ণৰূপে পৰিষ্কাৰ কৰিছো।’ এই অস্ত্ৰোপচাৰ তেওঁৰ জীৱনৰ এক মাইলৰ খুঁটি হৈ থাকিব বুলি কয় চিকিৎসকগৰাকীয়ে। এনে ঘটনা অতি বিৰল বুলি কয় চিকিত্সকে।
Continue Reading
