ডিজিটেল ডেস্কঃ এক ভয়ংকৰ বিস্ফোৰণে কঁপাই গ’ল কাবুলক। স্থানীয় সময় অনুসৰি, স্থানীয় সময় অনুসৰি পুৱা প্ৰায় ৭:৩০ বজাত কাবুলত সংঘটিত হয় এক বিস্ফোৰণ । কাবুলৰ পশ্চিম দিশত থকা 'কাজ শিক্ষা কেন্দ্ৰ'ত সংঘটিত এই বিস্ফোৰণত একমেও ১৯ জন লোক নিহত হৈছে।
আহতৰ সংখ্যা ২৭ জন। মৃতক আৰু আহতৰ সংখ্যা বৃদ্ধি হ'ব পাৰে। বিস্ফোৰণটো সংঘটিত হোৱাৰ সময়ত 'কাজ শিক্ষা কেন্দ্ৰ'টোত পৰীক্ষা চলি আছিল। বিশ্ববিদ্যালয়খনৰ প্ৰৱেশ পৰীক্ষাৰ বাবে বহুতো শিক্ষাৰ্থীয়ে প্ৰস্তুতি পৰীক্ষাত বহিছিল।
এতিয়ালৈকে কোনো সংগঠনে আত্মঘাতি বোমা বিস্ফোৰণৰ দায়িত্ব স্বীকাৰ কৰা নাই। ঘটনাটোৰ খবৰ পোৱাৰ পিছত নিৰাপত্তা বাহিনী তাত উপস্থিত হৈছে। পৰিস্থিতি নিয়ন্ত্ৰণলৈ অনা হৈছে বুলি তালিবান প্ৰশাসনে প্ৰকাশ কৰিছে।
শেহতীয়াকৈ কাবুলত কেইবাটাও আক্ৰমণৰ ঘটনা সংঘটিত হৈছে।আজি বোমা বিস্ফোৰণ ঘটা অঞ্চলটোত মুখ্যতঃ সংখ্যালঘুসকলে বাস কৰে। তেওঁলোকক বাৰে বাৰে "লক্ষ্য" আক্ৰমণৰ লক্ষ্য কৰি লোৱা হৈছে বুলি বহুতে মন্তব্য কৰিছে।
তালিবান যোৱা বছৰৰ আগষ্টত আফগানিস্তানত ক্ষমতা নিজৰ হৈাতলৈ নিছিল। কিন্তু যোৱা কেইমাহমানত তালিবান শাসিত আফগানিস্তান ক্ৰমাৎ অস্থিৰ হৈ পৰিছে। কাবুলকে ধৰি আফগানিস্তানৰ প্ৰতিটো কোণত সন্ত্ৰাসবাদী কাৰ্যকলাপে সময়ৰ লগে লগে মূৰ দাঙি উঠিছে
Continue Reading
