কাইলৈ ফ্ৰান্স আৰু ইউএই ভ্ৰমণৰ বাবে ৰাওনা হ’ব প্ৰধানমন্ত্ৰী মোদী; অংশ ল’ব বহু গুৰুত্বপূৰ্ণ অনুষ্ঠানত

বৈদেশিক সচিবগৰাকীয়ে কয় যে কাইলৈ ​​প্ৰধানমন্ত্ৰী মোদীয়ে ফ্ৰান্সৰ ৰাজধানী পেৰিছত উপস্থিত হ’ব।তদুপৰি  তেওঁ কয় যে, ‘১৪ জুলাইৰ পৰা আৰম্ভ হ’ব প্ৰধানমন্ত্ৰী মোদীৰ ভ্ৰমণৰ প্ৰধান আনুষ্ঠানিক অংশ।প্ৰধানমন্ত্ৰী মোদীয়ে ফ্ৰান্সৰ ৰাষ্ট্ৰীয় দিৱস- বেষ্টিল দিৱসত বিশেষ অতিথি হিচাপে অংশগ্ৰহণ কৰিব৷এইটো প্ৰধানমন্ত্ৰী মোদীৰ বাবে ফ্ৰান্সে দেখুওৱা এক অতি বিশেষ ইংগিত। ভাৰতীয় বায়ুসেনাৰ তিনিখন বিমানৰ সৈতে বেষ্টিল দিৱসৰ পেৰেডত সশস্ত্ৰ বাহিনীৰ এটা বৃহৎ ট্ৰাই চাৰ্ভিচ কনটিংগেণ্টেও অংশগ্ৰহণ কৰিব। ভাৰতীয় বায়ুসেনাৰ বিমানে বেষ্টিল দিৱস উদযাপনৰ শেষত ফ্লাইপাষ্ট কৰিব।’

বৈদেশিক মন্ত্ৰালয়ৰ তথ্য অনুসৰি ৰাষ্ট্ৰপতি মেক্ৰনে ৰাজকীয় ভোজৰ আয়োজন কৰাৰ লগতে প্ৰধানমন্ত্ৰীৰ সন্মানত ব্যক্তিগতভাৱে ৰাতিৰ আহাৰো প্ৰদান কৰিব। বৈদেশিক পৰিক্ৰমা মন্ত্ৰালয়ৰ তথ্য অনুসৰি প্ৰধানমন্ত্ৰীৰ এই ভ্ৰমণে কৌশলগত, বৈজ্ঞানিক, শৈক্ষিক আৰু অৰ্থনৈতিক সহযোগিতাৰ দৰে বিভিন্ন ক্ষেত্ৰত ভৱিষ্যতৰ সহযোগিতা অন্বেষণ কৰাৰ সুযোগ প্ৰদান কৰিব। ভাৰতীয় সশস্ত্ৰ বাহিনীৰ ২৬৯ জনীয়া ত্ৰি-সেৱা বাহিনী এটা দলে বেষ্টিল দিৱস উদযাপনত অংশগ্ৰহণৰ বাবে দুখন চি-১৭ গ্ল’বমাষ্টাৰ বিমানেৰে ৬ জুলাইত পেৰিছ অভিমুখে ৰাওনা হয়। হেলিকপ্টাৰ পাইলট স্কোয়াড্ৰন লিডাৰ সিন্ধু ৰেড্ডীয়ে ভাৰতীয় বায়ুসেনাৰ মাৰ্চিং কনটিঞ্জেণ্টক পেৰেডত নেতৃত্ব দিব। ভাৰতীয় বায়ুসেনাৰ কমেও তিনিখন ৰাফেল যুদ্ধ বিমানেও ইয়াত অংশগ্ৰহণ কৰিব।

দুদিনীয়া ফ্ৰান্স ভ্ৰমণ সম্পূৰ্ণ কৰি উভতি অহা প্ৰধানমন্ত্ৰী মোদীয়ে ১৫ জুলাইত আবুধাবি ভ্ৰমণ কৰিব, য’ত তেওঁ সংযুক্ত আৰব আমিৰশ্বাহীৰ ৰাষ্ট্ৰপতি তথা আবুধাবিৰ শাসক শ্বেইখ মহম্মদ বিন জায়েদ আল নাহিয়ানৰ সৈতে বিভিন্ন বিষয়ত আলোচনা কৰিব দ্বিপাক্ষিক সম্পৰ্কক আগুৱাই নিব পৰা ক্ষেত্ৰসমূহৰ ওপৰত আলোচনা অনুষ্ঠিত কৰিব।

বিবৃতিটোত কোৱা হৈছে যে ভাৰত-ইউ এ ইৰ সৰ্বাংগীন কৌশলগত অংশীদাৰিত্ব অব্যাহত আছে আৰু প্ৰধানমন্ত্ৰীৰ ভ্ৰমণ শক্তি, শিক্ষা, স্বাস্থ্যসেৱা, খাদ্য সুৰক্ষা, ফিনটেক, প্ৰতিৰক্ষা আৰু সংস্কৃতিকে ধৰি বিভিন্ন খণ্ডত ইয়াক গভীৰ কৰাৰ পথত আগবাঢ়িছে অন্বেষণ কৰাৰ এক সুযোগ প্ৰদান কৰিব৷

ইয়াত লগতে কোৱা হৈছে যে প্ৰধানমন্ত্ৰীৰ এই ভ্ৰমণে দুয়োপক্ষই বিশ্বজনীন বিষয়ত সহযোগিতা সম্পৰ্কে আলোচনা কৰাৰ সুযোগ প্ৰদান কৰিব, যিটো ইউ এ ইৰ চি অ’ পি-২৮ৰ সভাপতিত্ব আৰু ভাৰতৰ জি-২০ৰ সভাপতিত্বৰ প্ৰেক্ষাপটত বিশেষভাৱে গুৰুত্বপূৰ্ণ।