ডিজিটেল ডেস্কঃ ফাগুন মাহৰ কৃষ্ণ পক্ষৰ চতুৰ্দশী তাৰিখত মহাশিৱৰাত্ৰি উৎসৱ পালন কৰা হয়। এইবাৰ এই শুভ তাৰিখ কাইলৈ অৰ্থাৎ ১৮ ফেব্ৰুৱাৰীত পৰিছে। পৌৰাণিক বিশ্বাস অনুসৰি এই শুভ তাৰিখত ভগৱান শিৱ আৰু মাতৃ পাৰ্বতীৰ বিবাহ হয়। লগতে ভগৱান শিৱ প্ৰথমবাৰৰ বাবে জ্যোতিৰ্লিংগ ৰূপত আবিৰ্ভাৱ হয়। মহাশিৱৰাত্ৰীৰ পূজাৰ সময়ত কিছুমান ভুল কেতিয়াও কৰিব নালাগে। এই ভুল কৰিলে ৰুষ্ট হয় মহাদেৱ।
১) শংখ ব্যৱহাৰ নকৰিবঃ মহাশিৱৰাত্ৰিৰ দিনা শংখ ব্যৱহাৰ নকৰিব। পৌৰাণিক কাহিনী অনুসৰি ভগৱান শিৱই শংখচূৰ নামৰ এটা অসুৰক হত্যা কৰিছিল, যাৰ বাবে শংখ ব্যৱহাৰ কৰিব নালাগে। ভগৱান শিৱৰ পূজাত শংখ ৰখাটো নিষিদ্ধ বুলি কোৱা হয়।
২) প্ৰদক্ষিণঃ মহাশিৱৰাত্ৰিৰ পূজাৰ পিছত শিৱলিংগৰ সম্পূৰ্ণ প্ৰদক্ষিণ নকৰিব। লিংগ পুৰাণ আৰু শিৱ পুৰাণত কোৱাৰ দৰে শিৱলিংগৰ প্ৰদক্ষিণ সদায় আধালৈকে কৰা হয়। প্ৰদক্ষিনৰ আধা অংশ চন্দ্ৰমাৰ পৰিক্ৰম বুলি কোৱা হয়।
৩) বেলপাত আগবঢ়োৱাৰ সময়ত এই কথা মনত ৰাখিবঃ মহাশিৱৰাত্ৰিৰ দিনা শিৱলিংগত বেলপাত আগবঢ়োৱাৰ সময়ত সদায় মনত ৰাখিব যে বেলপাত ফটা হ’ব নালাগে, বেলপাতত তিনিটা পাত সম্পূৰ্ণ থাকিব লাগে।
৪) শিৱলিংগত এইবোৰ বস্তু আগবঢ়াব নালাগেঃ শিৱক পূজা কৰাৰ সময়ত হালধি নিদিব, কিন্তু হালধীয়া চন্দন অৰ্পণ কৰিব পাৰে। হালধিৰ লগতে সেন্দুৰ আৰু ৰংগোলীৰ ৰং আগবঢ়াব নালাগে।
৫) এই ফুলবোৰ শিৱলিংগত নিবেদন নকৰিবঃ মহাশিৱৰাত্ৰিৰ দিনা শিৱলিংগৰ পূজাত তুলসী পাত, কেতকি, পদুম ফুল নিবেদন কৰা নহয়। এই কামটো শিৱপুৰাণত নিষিদ্ধ বুলি কোৱা হৈছে। সেইবাবেই মনত ৰাখিব যে এইবোৰ বস্তু পূজাৰ থালত থাকিব নালাগে। ইয়াৰ পৰিবৰ্তে বেলপাত, ভাং আৰু ধতুৰা ইত্যাদি আগবঢ়াব পাৰে।
৬) অক্ষত চাউল ৰাখিবঃ মহাশিৱৰাত্ৰিৰ পূজাত ব্যৱহাৰ কৰা চাউল অক্ষত অৱস্থাত থাকিব লাগে। ভঙা-চিঙা চাউল ব্যৱহাৰ কৰিব নালাগে।পূজাৰ থালত ভঙা চাউল নাৰাখিব।
