ডিজিটেল ডেস্ক; পুনৰ বৰষুণৰ বাবে স্থগিত হ’ল ভাৰত বনাম পাকিস্তানৰ মেচ৷
চলিত এছিয়া কাপত ভাৰত বনাম পাকিস্তানৰ মেচখনৰ বাবে অধীৰ আগ্ৰহেৰে ৰৈ আছে বিশ্বৰ ক্ৰিকেট অনুৰাগী৷ ভাৰততো বৃদ্ধি পাইছে উৎকণ্ঠা৷
কিন্তু, এবাৰ নহয় দুবাৰকৈ বৰষুণৰ বাবে পৰিত্যক্ত হৈ ৰ’ল মেচ৷ আয়োজকৰ অদূৰদৰ্শীতা আৰু ভুল পৰিকল্পনাই হতাশ কৰিছে খেলুৱৈসকলকো৷
দুবাৰকৈ হোৱা এনে খামখেয়ালিৰ বাবে এছিয়ান ক্ৰিকেট পৰিষদৰ সভাপতি জয় শ্বাহ সমালোচনাৰ সন্মুখীন হৈছে৷ ক্ৰিকেটৰ সৈতে দূৰ-দূৰণিলৈ সম্পৰ্ক নথকা একাংশ লোকক ভাৰতৰ ক্ৰিকেটনিয়ন্তা পতাৰো অভিযোগ নতুন নহয়৷ বৰষুণৰ অধিক সম্ভাৱনা থকা এই সময়ত শ্ৰীলংকাত ভাৰত-পাকৰ খেল অনুষ্ঠিত কৰা বিষয়টোত আয়োজকৰ ভুল পৰিকল্পনা বুলিও বিভিন্নজনে অভিযোগ কৰিছে৷
শেহতীয়া খবৰ অনুসৰি, আজি বাতিল হোৱা খেলখনৰ সোমবাৰে পুনৰ অনুষ্ঠিত হ’ব৷ ভাৰতে ২৪.১ অভাৰত ২টা উইকেট হেৰুৱাই ১৪৭ ৰাণ সংগ্ৰহ কৰে৷
Continue Reading
