ডিজিটেল ডেস্কঃ কানপুৰত সংঘটিত হৈছে এক আজৱ ঘটনা৷ কানপুৰ নগৰ নিগমৰ বৈঠকত নিগমৰ এগৰাকী সদস্য তথা বিজেপি নেতাই সুৰামত্ত অৱস্থাত উপস্থিত থকাৰ কথাই প্ৰতিক্ৰিয়াৰ সৃষ্টি কৰিছে৷ কেৱল সেয়াই নহয়, নেতাগৰাকীয়ে সুৰাৰ ৰাগীত একো ক’ব নোৱাৰা হৈ মহিলাৰ শৌচাগাৰত সোমাই প্ৰস্বাৱ কৰাৰ ঘটনাই বহুতকে অসন্তুষ্ট কৰি তুলিছে৷
জানিব পৰা মতে কানপুৰৰ ৮১ নং দৰ্শনপুৰৱা ৱাৰ্ডৰ সদস্য আশুমেন্দ্ৰ প্ৰতাপ সিঙে সুৰাসক্ত অৱস্থাত নগৰ নিগমৰ বৈঠকত উপস্থিত থাকে৷ তেওঁৰ অৱস্থা দেখি তাত উপস্থিত থকা আন লোকসকলে ইছাট-বিছাট কৰিবলৈ ধৰে৷
ইয়াৰ মাজতে নেতা জনে মহিলাৰ শৌচাগাৰত সোমাই প্ৰস্বাৱ কৰে৷ এই ঘটনাৰ পিছতে কানপুৰ নগৰ নিগমৰ মেয়ৰ প্ৰমীলা পাণ্ডেই বিজেপি নেতা সিঙক সতৰ্ক কৰি দিবলৈ বাধ্য হয়৷ সংবাদমাধ্যমৰ আগত প্ৰমীলা পাণ্ডেই কয় যে সিঙৰ পত্নীও কানপুৰ নগৰ নিগমৰ এগৰাকী সদস্যা৷ তেওঁক মতাই আনি স্বামীৰ এনে কাৰ্যৰ বিষয়ে জনোৱা হ’ব বুলি প্ৰমীলা পাণ্ডেই কয়৷ ইয়াৰ পূৰ্বেও বিজেপি নেতা জনে কাৰ্যালয়লৈ সুৰামত্ত অৱস্থাত আহিছিল বুলি বহুতে অভিযোগ কৰিছে৷
Continue Reading
