ডিজিটেল ডেস্ক: এতিয়াৰে পৰা ৰাম মন্দিৰৰ পূজাৰীকৈ তিনিগুণ দৰমহা লাভ কৰিব কাশী বিশ্বনাথ মন্দিৰৰ পূজাৰীয়ে৷ কাশী বিশ্বনাথ মন্দিৰত কাম কৰা পূজাৰীসকলৰ বাবে আহিছে এই বৃহৎ খবৰ৷ কাশী বিশ্বনাথ মন্দিৰ ন্যাসৰ ১০৫সংখ্যক বৈঠকত ৪১ বছৰৰ পাছত পুৰোহিত সেৱাৰ পূৰ্বৰ নিয়মসমূহৰ কিছু সংশোধনী কৰা হৈছে৷
নতুন নিয়মানুসৰি, এতিয়াৰে পৰা কাশী বিশ্বনাথ মন্দিৰৰ মুখ্য পুৰোহিতজনে প্ৰতিমাহে লাভ কৰিব ৯০ হাজাৰ টকা দৰমহা। ইয়াৰ উপৰি কনিষ্ঠ পুৰোহিতজনক ৮০ হাজাৰ টকা দৰমহা দিয়া হ’ব আৰু সহকাৰী পুৰোহিতক দিয়া হ’ব ৬৫ হাজাৰ টকা৷
দৰাচলতে, মন্দিৰ ন্যাসে পুৰোহিত, কৰ্মচাৰী আৰু সেৱক নিযুক্তিৰ বাবে নতুন নিয়ম প্ৰস্তুত কৰিছে। সুদীৰ্ঘ চাৰিটা দশক পাছত প্ৰস্তুত কৰা এই চাৰ্ভিচ মেনুৱেলখন সমগ্ৰ দেশৰ মন্দিৰ আৰু ন্যাসৰ দ্বাৰা কাৰ্যকৰী কৰা হৈছে।
সভাত এইটোও সিদ্ধান্ত লোৱা হৈছিল যে মন্দিৰত মুঠ ৫০টা পুৰোহিতৰ পদ থাকিব আৰু নিযুক্তিৰ বাবে এটা বিজ্ঞাপনো জাৰি কৰা হ’ব। শেহতীয়াকৈ, কাশী বিশ্বনাথ মন্দিৰ ট্ৰাষ্টীৰ ১০৫সংখ্যক বৈঠক কমিছনাৰেট প্ৰেক্ষাগৃহত বৈদিক মন্ত্ৰৰে আৰম্ভ হৈছিল।
সভাত সিদ্ধান্ত লোৱা হৈছিল যে বেনাৰসৰ সকলো সাংস্কৃতিক বিদ্যালয়ত শিক্ষাৰ্থীসকলক বিনামূলীয়া ইউনিফৰ্ম আৰু কিতাপ যোগান ধৰা হ’ব। সম্পুৰানন্দ সংস্কৃত বিশ্ববিদ্যালয়ক অনুদান প্ৰদান কৰা হ’ব। সভাত উপস্থিত থকা বিভাগীয় আয়ুক্ত কৌশল ৰাজ শৰ্মাই সংস্কৃত বিদ্যালয়সমূহত ৬ৰ পৰা ১২শ্ৰেণীৰ শিশুসকলক বিনামূলীয়া কিতাপ আৰু ইউনিফৰ্ম প্ৰদান কৰাৰ প্ৰস্তাৱ দিয়ে, যিটো তৎক্ষণাৎ গ্ৰহণ কৰা হয়।
ইয়াৰ উপৰি বেনাৰসৰ ষ্টেচন আৰু ঘাটত বাস কৰা লোকসকলক প্ৰতিদিনে বাবা বিশ্বনাথৰ প্ৰসাদ দিয়াৰ প্ৰস্তাৱ গ্ৰহণ কৰা হৈছে। বৈঠকত ডিএম এছ ৰাজ লিংগম, কাশী বিশ্বনাথ মন্দিৰৰ ট্ৰাষ্টী অধ্যাপক চন্দ্ৰমৌলী উপাধ্যায়, অধ্যাপক ব্ৰজ ভূষণ ওজা, পণ্ডিত দীপক মালৱীয় আৰু আন বহুতো লোক উপস্থিত আছিল।
Continue Reading
