কাটিগড়াত গুদাম ঘৰৰ পৰা পৰকীয়া প্ৰেমিক যুগলক আটক

ডিজিটেল ডেস্কঃ পৰকীয়া প্ৰেমে ভয়ংকৰভাৱে গ্ৰাস কৰিছে আমাৰ সমাজখনক। পতিয়ে পত্নীক, পত্নীয়ে পতিক প্ৰতাৰণা কৰি আনৰ সৈতে প্ৰেম সাগৰত সাঁতুৰি থকাৰ প্ৰতিযোগিতাত হে যেন নামি পৰিছে। পৰকীয়া প্ৰেমে ধ্বংস কৰিছে বহুতৰে সংসাৰ, তচনচ হৈছে সন্তানৰ ভৱিষ্যৎ।

কাছাৰৰ কাটিগড়াৰ চৌৰঙ্গী অঞ্চলৰ পৰা শেহতীয়াকৈ এক পৰকীয়া প্ৰেমৰ খবৰ পোহৰলৈ আহিছে। এটা গুদাম ঘৰত অসামাজিক কাৰ্যকলাপত লিপ্ত আছিল পৰকীয়া প্ৰেমিক যুগল। 

এগৰাকী বিবাহিত মহিলা আৰু এজন যুৱকক অসংযত অৱস্থাত গুদাম ঘৰটোত হাতে-লোটে ধৰা পেলায় স্থানীয় ৰাইজে। গুদামটো চৌৰঙ্গীৰ এজন গেলামাল ব্যৱসায়ী, মালাকাৰ পদবীৰ এজন ব্যক্তিৰ মালিকানাধীন বুলি জানিব পৰা গৈছে। দুয়ো ভিন ধৰ্মীয় হোৱাৰ লগতে তেওঁলোকৰ মাজত প্ৰেমৰ সম্পৰ্ক থকাৰ কথা স্বীকাৰ কৰিছে।

পিছত স্থানীয় ৰাইজে তেওঁলোকক কাটিগড়া আৰক্ষীৰ হাতত গটাই দিয়ে। অঞ্চলবাসীৰ অভিযোগ, গুদাম ঘৰটোত ‘অশ্লীল কাম’ কৰিবলৈ অনুমতি দিছিল ব্যৱসায়ীগৰাকীৰ মেনেজাৰে। ঘটনাৰ পাছত ব্যৱসায়ী আৰু তেওঁৰ মেনেজাৰৰ ভূমিকাক লৈ প্ৰশ্ন তুলিছে স্থানীয় ৰাইজে। সম্পূৰ্ণ ঘটনাটোক কেন্দ্ৰ কৰি অঞ্চলটোত চাঞ্চল্য অব্যাহত থকাৰ লগতে সকলোৱে একমুখে পৰকীয়া প্ৰেমিক যুগলক নিন্দা কৰিছে।