ডিজিটেল ডেস্কঃ কেৰালা চৰকাৰে সাক্ষৰতা কাৰ্যসূচীৰ অধীনত অনুষ্ঠিত কৰা এক পৰীক্ষাত তামিলনাডুৰ থেনিৰ নিৱাসী এগৰাকী ১০৮ বছৰীয়া মহিলাই প্রথম স্থান লাভ কৰি ইতিহাসৰ সৃষ্টি কৰে।
কমলাকন্নী নামৰ এই মহিলাগৰাকীৰ জন্ম হৈছিল ১৯১৫ চনত। তেওঁ উক্ত পৰীক্ষাত ১০০ৰ ভিতৰত ৯৭ নম্বৰ লাভ কৰে। স্কুলীয়া শিক্ষা আধাতে এৰা কমলাকন্নী আর্থিক অৱস্থা ইমান ভাল নাছিল, সেয়েহে তেওঁ স্কুলীয়া শিক্ষা সম্পূৰ্ণ কৰিব নোৱাৰিলে। কম বয়সতে পৰিয়ালৰ সৈতে কেৰালালৈ গুচি অহা কমলাকন্নীয়ে ইলাচীৰ বাগানত কাম কৰিছিল। ইলাচীৰ বাগানত ৮০ বছৰ কাম কৰি পাৰ কৰিলে ।
পৰিয়ালৰ লোকৰ মতে, দৰিদ্ৰতাৰ মাজত বাস কৰাৰ লগতে জীৱনত যথেষ্টখিনি কষ্টৰ সন্মুখীন হোৱা সত্ত্বেও মহিলাগৰাকীয়ে সাক্ষৰ হোৱাৰ নিজৰ হেঁপাহ কেতিয়াও পৰিত্যাগ কৰা নাছিল। তেওঁ তামিল আৰু মালয়ালম বৰ্ণ শিকাৰ বাবে যথেষ্ট কষ্ট কৰিছিল । এতিয়া সাক্ষৰতাৰ পৰীক্ষাত শীর্ষ স্থান লাভ কৰাৰ পাছত পৰিয়ালৰ সদস্যসকলে আনন্দ প্ৰকাশ কৰিছে। আনকি কেৰালা চৰকাৰেও তেওঁক এই কৃতকাৰ্যতাক স্বীকৃতি দিছে।
Continue Reading
