ডিজিটেল ডেস্কঃ সৌভাগ্যৰ চকা কেতিয়া আনফালে ঘূৰিব কোনোবাই কেতিয়াও নাজানে। তেনেকুৱাই আছিল অভিনেত্ৰী কৃতি শ্বেননৰ ক্ষেত্ৰত। দিল্লীত পঢ়িছিল। কৃতি এগৰাকী অভিযান্ত্ৰিক ছাত্ৰী আছিল। মাক কলেজৰ শিক্ষয়িত্ৰী। নায়িকাগৰাকীৰ পিতৃ চাৰ্টাৰ্ড একাউণ্টেণ্ট। কিন্তু অভিনেত্ৰীগৰাকীয়ে কেইবাটাও চাকৰি পোৱাৰ পিছত চাকৰি এৰি তথাকথিত ‘অনিশ্চিত’ কেৰিয়াৰ পথ ল’লে। বৰ্তমান তেওঁ বলীউডৰ অন্যতম আগশাৰীৰ অভিনেত্ৰী। কিন্তু তেওঁৰ অভিনয় যাত্ৰা কেনেকৈ আৰম্ভ হ’ল?
প্ৰথমে ৫ টকীয়া টুথপেষ্টৰ টিউব এটাৰ বিজ্ঞাপনত দেখা দিছিল। প্ৰেমিকৰ লগত কলেজৰ কেন্টিনত বহি ৫ টকীয়া মুদ্ৰা লৈ মুখত হাঁহি বিৰিঙা - এইদৰেই দৰ্শকে প্ৰথমে কৃতি শ্বেননক দেখে। মডেলিঙৰ পৰাই কৃতিৰ কেৰিয়াৰ আৰম্ভ হৈছিল। প্ৰথমতে তেওঁ সৰু সৰু বিজ্ঞাপনত কাম কৰিছিল। বিজ্ঞাপনৰ জৰিয়তে কৃতিয়ে নিজৰ অভিনয় প্ৰতিভা আৱিষ্কাৰ কৰিছিল।
নিজৰ প্ৰতিভাৰ বাবেই বলিউডত স্থান অৰ্জন কৰিছে কৃতিয়ে। কেইবাটাও কাম চলি আছে। ‘আদিপুৰুষ’, ‘গণপত’কে ধৰি কেইবাখনো ছবিত তেওঁক দেখা গৈছে। অনাগত দিনত তেওঁৰ কেইবাখনো নতুন চিনেমা আহিব।
Continue Reading
