ডিজিটেল ডেস্কঃ কিছুদিন পূৰ্বে কলকাতাৰ এক অনুষ্ঠানত গীত গাই থাকোতেই অসুস্থ হৈ পৰিছিল শিল্পী কেকে। পিছত চিকিৎসালয়লৈ নিয়াৰ পিছতে তেওঁৰ মৃত্যু ঘটিছিল।একে ঘটনাই পুনৰ ঘটিল বংগত। কালী পূজা অনুষ্ঠানত গান গাই থকা অৱস্থাতে মঞ্চত অসুস্থ হৈ পৰে গায়ক দেৱশীষ দাস।
৪৮ বছৰীয়া গায়কজনৰ ক্ষন্তেক পিছতে মৃত্যু হয়। ঘটনাটো দক্ষিণ ২৪ পৰগণাৰ কেনিঙৰ খাছ কুমৰোখালী গাঁৱত সংঘটিত হৈছে। নজৰুল মঞ্চত অনুষ্ঠানৰ সময়ত শিল্পীজন অসুস্থ হৈ পৰিছিল। পিছত তেওঁৰ মৃত্যু হয়। আৰক্ষীৰ সূত্ৰই জনোৱা অনুসৰি দেৱাশীষৰ ঘৰ কাকদ্বীপৰ হাৰউড পইণ্টত । তেওঁ কালী পূজা উপলক্ষে কুমৰোখালী গাঁৱৰ এখন সাংস্কৃতিক অনুষ্ঠানত গান গাবলৈ আহিছিল।
আৰম্ভণিৰ পৰাই তেওঁ বহু কেইটা গান গাইছিল আৰু দৰ্শকসকলক মনোৰঞ্জন দিছিল। কিন্তু তেওঁ হঠাতে গান গাবলৈ বন্ধ কৰিলে আৰু মঞ্চত বহি পৰে। তেওঁ আয়োজকসকলক কৈছিল যে তেওঁৰ বুকুৰ বিষ হৈছে। পিছত, শিল্পীজনক কেনিং উপ-বিভাগীয় চিকিৎসালয়ত ভৰ্তি কৰোৱা হয়।
য'ত চিকিৎসকে তেওঁক মৃত বুলি ঘোষণা কৰে। কেনিং আৰক্ষীয়ে কয় যে মৃত শিল্পীজনৰ মৃতদেহ ইতিমধ্যে মৰণোত্তৰ পৰীক্ষাৰ বাবে প্ৰেৰণ কৰা হৈছে। অপ্ৰাকৃতিক মৃত্যুৰ এটা গোচৰ ৰুজু কৰা হৈছে আৰু তদন্ত চলি আছে। এই ঘটনাই সমগ্ৰ দেশতে পুনৰ শোকৰ ছাঁ পেলাইছে। সন্দেহ কৰা অনুসৰি গায়কজন হৃদৰোগত আক্ৰান্ত হৈছিল।
Continue Reading
