কেনেকৈ বলীউড পাইছিল মডেল দীপিকাই? কোন ছুপাৰষ্টাৰৰ অনুৰোধ ৰাখিব নোৱাৰিলে দীপিকাই?

ডিজিটেল ডেস্কঃ বলীউডত এতিয়া দীপিকাৰ কথাই চৰ্চাৰ কেন্দ্ৰবিন্দু হৈ পৰিছে। বিগত কিছুদিনৰ পৰা ট্ৰেণ্ডিং পৰ্যায়ত আছে জনপ্ৰিয় অভিনেত্ৰীগৰাকী। শেহতীয়াকৈ আগেয়ে নোকোৱা বহু কথাই প্ৰকাশ কৰিছে দীপিকা পাডুকোনে। স্মৰ্তব্য যে, ২০০৭ চনত ফাৰাহ খানৰ 'ওম শান্তি ওম' ছবিখনৰ জৰিয়তে বলীউডত আত্মপ্ৰকাশ কৰিছিল দীপিকা পাডুকোনে। ছবিখনত দীপিকাৰ সৈতে অভিনয় কৰিছিল বলীউড ছুপাৰষ্টাৰ শ্বাহৰূখ খানে। 'ওম শান্তি ওম'ৰ পাছৰ পৰা বিগত ১৫বছৰ ধৰি এখনৰ পাছত আনখন হিট ছবি উপহাৰ দি গৈছে দীপিকাই। শেহতীয়াকৈ মুক্তি পোৱা বহুচৰ্চিত 'গেহৰাইয়া' ছবিখনেও ব’ক্স অফিছত বিশেষভাৱে চৰ্চিত হৈছে। ‘গেহেৰাইয়া’ৰ উত্তেজনা অব্যাহত থকা সময়তে দীপিকাই তেওঁক বলীউডত প্ৰথম কোনে কাম দিছিল এই বিষয়ে মুকলিকৈ প্ৰকাশ কৰিছে। 'ওম শান্তি ওম' দীপিকাৰ জীৱনৰ প্ৰথমখন ছবি আছিল যদিও শ্বাহৰূখ খানে অভিনয়ৰ বাবে প্ৰথম প্ৰস্তাৱ দিয়া নাছিল দীপিকা পাডুকোনক। শ্বাহৰূখৰ পূৰ্বে বলীউড ভাইজান ছলমান খানে দীপিকাক ছবিৰ কামৰ প্ৰস্তাৱ দিছিল। অৱশ্যে, দীপিকাই সেই সময়ত মডেলিঙৰ কামত ব্যস্ত থকা বাবে ছলমানৰ অভিনয়ৰ প্ৰস্তাৱ প্ৰত্যাখ্যান কৰিছিল। সংবাদ মাধ্যমৰ সৈতে হোৱা এক সাক্ষাৎকাৰত দীপিকাই কয়, ‘আমাৰ সম্পৰ্ক এতিয়াও ভাল। মোক জীৱনৰ প্ৰথম কাম আগবঢ়োৱাৰ বাবে মই তেওঁৰ ওচৰত চিৰকৃতজ্ঞ হৈ ৰম। যদিও এইটো দুৰ্ভাগ্যজনক যে মই সেই সময়ত চলচ্চিত্ৰত অভিনয় কৰিবলৈ সাজু নাছিলো।’ দীপিকাৰ কথাবোৰে অনুৰাগীক আমোদ দিছে। সামজিক মাধ্যমতো অভিনেত্ৰীগৰাকীৰ সাক্ষাত্‍কাৰৰ অংশ শ্বেয়াৰ কৰিছে বিভিন্নজনে।