ইৰান-ইজৰাইলৰ সংঘৰ্ষৰ সময়ত আত্মগোপন ; যুদ্ধৰ পাছত প্ৰথমবাৰৰ বাবে ৰাজহুৱা স্থানত খামেনেই

ডিজিটেল ডেস্কঃ ইজৰাইল আৰু ইৰানৰ মাজত হোৱা ১২ দিনীয়া ভয়ংকৰ যুদ্ধৰ পাছৰ পৰা ইৰানৰ সৰ্বোচ্চ নেতা আয়াতুল্লা খামেনেই অন্তর্ধান হৈছিল।

কিন্তু শনিবাৰে ইৰানৰ সৰ্বোচ্চ নেতাজনে যুদ্ধৰ পাছৰ পৰা প্ৰথমবাৰৰ বাবে ইৰানৰ ৰাজহুৱা স্থানত জনসাধাৰণৰ সন্মুখত উপস্থিত হয়।

ইজৰাইলৰ সৈতে ভয়ংকৰ যুদ্ধত নিহত হোৱা ইৰানী লোকসকলৰ বাবে আয়োজন কৰা এখন শোকসভাত খামেনেই অংশগ্রহণ কৰে। ইৰানৰ তিনিওটা সামৰিক বাহিনীৰ চূড়ান্ত সিদ্ধান্ত গ্ৰহণ কৰা ইৰানৰ সৰ্বোচ্চ নেতাজন যুদ্ধৰ সময়ত বাংকাৰত সুৰক্ষিতভাৱে আছিল বুলি বিভিন্ন মহলে বাতৰি পৰিৱেশন কৰিছিল যদিও দেশখনৰ চৰকাৰী সংবাদ মাধ্যমে বিষয়টো স্বীকাৰ কৰা নাছিল।

দেশখনৰ সংবাদ মাধ্যমে পৰিৱেশন কৰা বাতৰি অনুসৰি, ৰাজধানী তেহৰানৰ তেওঁ কাৰ্যালয় আৰু বাসগৃহৰ কাষতে থকা মছজিদটোত ইৰানৰ সৰ্বোচ্চ নেতাজন শনিবাৰে উপস্থিত হয় আৰু সমৱেত জনতাক হাত জোকাৰি আৰু মূৰ দোৱাই অভিবাদন জনায়।

আনহাতে, দেশখনৰ সর্বোচ্চ নেতাজনে তাৎক্ষণিকভাবে কোনো ধৰণৰ ৰাজহুৱা বিবৃতি দিয়া নাই। মছজিদটোত আয়োজিত শোকসভাখনত ইৰানৰ সংসদৰ অধ্যক্ষও উপস্থিত আছিল। উল্লেখযোগ্য যে ইজৰাইলে ইৰানত আক্ৰমণ চলাই থকাৰ মাজতে আমেৰিকায়ো ইৰানত আক্ৰমণ কৰি দেশখনৰ পাৰমাণৱিক ঘাটিসমূহ বিধ্বস্ত কৰিছিল। মার্কিন ৰাষ্ট্ৰপতি ট্রাম্পে সামাজিক মাধ্যমযোগে তেতিয়া প্রকাশ কৰিছিল যে তেওঁ খামেনেই ক'ত আত্মগোপন কৰি আছে, সেইটো গম পায়, কিন্তু ৮৬ বছৰীয়া ইৰানী নেতাজনক হত্যা কৰাৰ তেওঁলোকৰ পৰিকল্পনা নাই।

উৎসঃ দৈনিক জনমভূমি