ডিজিটেল ডেস্কঃ আমাৰ মাজত এনেকুৱা বহু মানুহ আছে যাৰ খং বহুত বেছি। মানুহৰ ভাল লগা, বেয়া লগা, ভোক, পিয়াহৰ দৰেই খং এটা মানসিক অৱস্থা। কিন্তু এই খঙক কোনোৱে সুস্থ মানসিকতা বুলি স্বীকাৰ নকৰে। খঙৰ বাবেই ঘটে বহুতো অপ্ৰীতিকৰ ঘটনা। খং হ’ল মানুহৰ চৰম প্ৰকাশ।কিছুমান মানুহে খং বুকুত চেপি-খুন্দি ৰাখে। এনে লোকৰ স্বাস্থ্যৰ ওপৰতো প্ৰভাৱ পৰে। ফলত এইসকল লোক ভিন্ন ৰোগৰ বলি হ’ব পাৰে।
১) মানসিক চাপৰ বলি।
২) টোপনি নহা সমস্যা।
৩) মূৰৰ বিষৰ সমস্যা।
৪) অত্যধিক ঘামি থকাৰ সমস্যা।
৫) ব্লাড প্ৰেছাৰৰ সমস্যা।
৬) বুকুৰ বিষ।
৭) এচিডিটিৰ সমস্যা।
৮) থাইৰয়ডৰ সমস্যা।
৯) ডায়েবেটিছ ৰোগৰ সম্ভাৱনা।
খঙাল ব্যক্তিয়ে ক্লিনিকেল ট্ৰিটমেন্ট, কাউন্সেলিং, এংগাৰ থেৰাপী গ্ৰহণেৰে খং কমাব পাৰে। প্ৰাৰ্থনা, মেডিটেচনৰ দ্বাৰাও খং কমাবলৈ সক্ষম হ’ব পাৰে। ই মাথোঁ কেইদিনমানতে সম্ভৱ নহয়। এই অভ্যাস নিয়মীয়াকৈ কৰিলে লাহে লাহে খং নিয়ন্ত্ৰণ কৰিবলৈ সক্ষম হ’ব।
জীৱনৰ বাবেই দিনটোৰ দহ মিনিট সময় প্ৰাৰ্থনাৰ বাবে ৰাখক। ইও আত্মশুদ্ধিৰ এক প্ৰচেষ্টা।
Continue Reading
