ডিজিটেল ডেস্কঃ খোদ ৰিজাৰ্ভ বেংকৰ ভাণ্ডাৰতে হাত দিলে চোৰে! দেশৰ সৰ্ববৃহৎ বেংকটোৰ কলকাতা শাখাত হঠাতে নোটৰ বাণ্ডোল হেৰুওৱাৰ কথাকলৈ আলোড়ণৰ সৃষ্টি হৈছে৷ আৰ.বি.আই.-য়ে আনকি টকা হৰসুকি হোৱাৰ বিষয়কলৈ আৰক্ষীৰ ওচৰত অভিযোগো দাখিল কৰিছে।
অভিযোগত কোৱা হৈছে যে বেংকৰ শাখাটোৰ পৰা ১ লাখ টকাৰ লেতেৰা আৰু ফটা নোট চুৰি হৈছে। ৫০ টকাৰ নোটবোৰ ধ্বংস কৰাৰ বাবে বেংকলৈ প্ৰেৰণ কৰা হৈছিল। ভাৰতীয় ৰিজাৰ্ভ বেংকৰ (আৰবিআই) কলকাতাৰ কাৰ্যালয়ৰ পৰা তেনে এটা ধনৰ এটা বাণ্ডোল চুৰি হৈছিল। কথাটো পোহৰলৈ অহাৰ পিছতে বেংকৰ বিষয়াসকলৰ মূৰত সৰগ ভাগি পৰিল।
প্ৰশ্ন হ'ল, ইমান কঠোৰ নিৰাপত্তা থকাৰ পিছতো এয়া কেনেকৈ সম্ভৱ হ’ল? লালবজাৰ আৰক্ষীয়ে প্ৰকাশ কৰা অনুসৰি দেশৰ সৰ্ববৃহৎ বেংকটোৰ কলকাতা শাখাৰ পৰা নোটৰ বাণ্ডোল হেৰুওৱাৰ বিষয়টো তদন্ত কৰি থকা হৈছে৷আৰ.বি.আই. কৰ্তৃপক্ষই চি.চি.টি.ভি. ফুটেজ পৰীক্ষা কৰিছে। তাত তেওঁলোকে শংকৰ নামৰ এজন কৰ্মীক সন্দেহ কৰিছিল।
আৰক্ষীয়েও চিচিটিভি ফুটেজ চাইছিল। আৰক্ষী নিশ্চিত হৈছিল যে শংকৰ নামৰ কৰ্মচাৰী জনেই টকা চুৰি কৰিছে৷ অৱশেষত অভিযুক্তজনক গ্ৰেপ্তাৰ কৰা হৈছে। হেৰ ষ্ট্ৰীট আৰক্ষীয়ে তেওঁৰ পৰা চুৰি হোৱা ধনৰ আধা অংশ উদ্ধাৰ কৰিছে। আৰক্ষীয়ে জনোৱা অনুসৰি, অভিযুক্তজনক শংকৰ সৰোজ বুলি চিনাক্ত কৰা হৈছে। তেওঁৰ ঘৰ হুগলীৰ চন্দিতালাত। শংকৰ আৰবিআই এজন ঠিকাভিত্তিক কৰ্মী ৷
Continue Reading
