অভিনেতাজনে যি কয় সেয়া কৰি দেখুৱায়৷ নিজৰ কথা ৰাখি সম্পূৰ্ণ নিজা খৰচত ১০০ জন অনুৰাগীক মানালীলৈ পঠিয়ালে অভিনেতা বিজয় দেৱেৰাকোণ্ডাই ৷ 'বাবু মাচাই জিন্দেগী লম্বি নয়...' আৰু এই 'বাদি জিন্দেগী' আদিৰ দৰে ছবিত অভিনয় কৰি খলকনি তোলা দক্ষিণৰ অভিনেতা বিজয় দেৱেৰ

Listen to Article

2 min read

80%

ডিজিটেল ডেস্কঃ অভিনেতাজনে যি কয় সেয়া কৰি দেখুৱায়৷ নিজৰ কথা ৰাখি সম্পূৰ্ণ নিজা খৰচত ১০০ জন অনুৰাগীক মানালীলৈ পঠিয়ালে অভিনেতা বিজয় দেৱেৰাকোণ্ডাই ৷ 'বাবু মাচাই জিন্দেগী লম্বি নয়...' আৰু এই 'বাদি জিন্দেগী' আদিৰ দৰে ছবিত অভিনয় কৰি খলকনি তোলা দক্ষিণৰ অভিনেতা বিজয় দেৱেৰাকোণ্ডাই তেওঁৰ অনুৰাগীসকলক পৰ্যায়ক্ৰমে ভ্ৰমণলৈ পঠিওৱাৰ পদক্ষেপ গ্ৰহণ কৰিছে।

এনে কাৰ্যৰ জড়িয়তে তেওঁ অনুৰাগীসকলৰ হৃদয় কেনেদৰে জিকিব লাগে সেয়া দেখুৱাই দিছে। প্ৰতি বছৰে তেওঁ তেওঁৰ অনুৰাগীক নিজৰ ধনেৰে ক’ৰবালৈ ভ্ৰমণ কৰিবলৈ পঠিয়ায়। এইবাৰো তাৰ ব্যতিক্ৰম হোৱা নাই৷ অভিনেতাজনে পোষ্ট কৰা ভিডিঅ'টোত বিনামূলীয়া ভ্ৰমণৰ সুবিধা পাই তেওঁৰ অনুৰাগীসকল অতি সুখী হৈ পৰা দেখা গৈছে। তেওঁলোকৰ সকলোৰে মুখত হাঁহি বিৰিঙিছে। ক্লিপটো শ্বেয়াৰ কৰি বিজয়ে লিখিছে, "তেওঁলোকে মোক বিমানৰ পৰা এই মিঠা ভিডিঅ'টো প্ৰেৰণ কৰিছে। তেওঁলোকে পাহাৰত বন্ধৰ দিন কটাবলৈ গৈ আছে। তেওঁলোকৰ মাজত আছে সমগ্ৰ দেশৰ মুঠ ১০০ জন লোক । মই খুব সুখী।"

অভিনেতাজনে এই বছৰ ছ'চিয়েল মিডিয়াত এটা জৰীপৰ আয়োজন কৰিছিল, য'ত তেওঁ জানিবলৈ পাৰিছিল যে তেওঁৰ অনুৰাগীসকলে পাহাৰলৈ ফুৰিবলৈ যাব বিচাৰে নেকি। তাৰ পিছত তেওঁ সিদ্ধান্ত লৈছিল যে তেওঁ নিজৰ কথা ৰাখিব আৰু সকলোকে ভ্ৰমণলৈ পঠিয়াব। অভিনেতাজনে এই কাম কেইবছৰমান আগৰে পৰা আৰম্ভ কৰিছে৷

প্ৰথম বছৰত তেওঁ তেওঁৰ ৫০ জন অনুৰাগীৰ সৈতে মাচাব টেংকৰ জৱাহৰলাল নেহৰু স্থাপত্য আৰু সূক্ষ্ম কলা বিশ্ববিদ্যালয়লৈ গৈছিল। তেওঁ তেনে ৫০ জন অনুৰাগী বাছনি কৰিছিল যিয়ে তেওঁক সামাজিক মাধ্যমত অনুসৰণ কৰিছিল। তাৰ পিছত আন এটা বছৰত বিজয়ে তেওঁৰ অনুৰাগীসকলক ডেভেৰা ছাণ্টা হেচটেগৰ সৈতে এই বিষয়ক সকলো স্মৃতি ছচিয়েল মিডিয়াত পোষ্ট কৰিবলৈ কৈছিল। কেৱল সেয়াই নহয় যোৱা খ্ৰীষ্টমাছত তেওঁ ১০০ জন লোকক উপহাৰ হিচাপে ১০,০০০ টকা দিছিল। অভিনেতা জনে কাক ভ্ৰমণলৈ পঠিয়াব সেয়া চাই-চিতি কৰে৷ তেওঁৰ ছ’চিয়েল মিডিয়াৰ ফল’ৱাৰসকলৰ মাজৰ পৰাই তেনে ভাগ্যবান লোকসকলক নিৰ্বাচন কৰা হয়৷ গতিকে অহা বছৰ অসমৰ পৰাও যে কোনোবা নোলাব কোনে ক’ব পাৰে?