খুতুৰা শাকৰ আছে বহু উপকাৰী গুণ; সুস্বাস্থ্য গঢ়াত কৰে সহায়

ডিজিটেল ডেস্ক: খুতুৰা শাক (Amaranthus viridis) অসমীয়া সমাজত অতি জনপ্ৰিয়। খুতুৰা শাকৰ ভাজি, খুতুৰা শাকৰ জোল খাই অসমীয়া মানুহে বহুত ভালপায়। দাইলৰ লগতো খুতুৰা শাক ৰান্ধি খোৱা হয়। এই শাক এক অতি পুষ্টিকৰ বনৌষধি, যি ৰোগ প্ৰতিৰোধ ক্ষমতা বঢ়ায়। ব’হাগ বিহুৰ সময়ত ১০১ বিধ শাকৰ ভিতৰত ই অন্যতম। 

খুতুৰা শাক এণ্টি-অক্সিডেণ্ট, ভিটামিন (A, C, K) আৰু মেগনেছিয়াম, কেলছিয়াম, পটাছিয়াম, আইৰণ আদিৰ চহকী উৎস। খুতুৰা শাকে ৰোগ প্ৰতিৰোধ ক্ষমতা বঢ়ায়। ই হজমশক্তি বৃদ্ধি, কোষ্ঠকাঠিন্য দূৰ, হাড় মজবুত কৰা, ৰক্তহীনতা নিৰাময়, আৰু পাইলছৰ সমস্যাত উপকাৰী। ইয়াত থকা অমেগা-৩ ফেটি এচিড হৃদৰোগ প্ৰতিৰোধ কৰে আৰু উচ্চ কেলচিয়ামৰ বাবে দাঁত আৰু নখৰ বাবে উপকাৰী। 

খুতুৰা শাকৰ প্ৰধান উপকাৰিতা:

১) ৰোগ প্ৰতিৰোধ: এণ্টি-অক্সিডেণ্ট গুণেৰে ভৰপূৰ হোৱাৰ বাবে শৰীৰৰ ৰোগ প্ৰতিৰোধী ক্ষমতা বৃদ্ধি কৰে।

২) হজম আৰু পেটৰ সমস্যা: হজম শক্তি বঢ়ায়, পেটৰ আলচাৰ দূৰ কৰে আৰু কোষ্ঠকাঠিন্য নিৰাময়ত সহায় কৰে।

৩) ৰক্তহীনতা দূৰ: আইৰণ আৰু ভিটামিন C-ৰ উপস্থিতিৰ বাবে ৰক্তহীনতা বা হিম’গ্ল’বিনৰ নাটনি দূৰ কৰে।

৪) হাড় আৰু দাঁতৰ যত্ন: প্ৰচুৰ পৰিমাণৰ কেলচিয়াম, মেগনেছিয়াম আৰু ফছফৰাছ থকাৰ বাবে হাড়, নখ আৰু দাঁত মজবুত কৰে।

৫) হৃদৰোগ প্ৰতিৰোধ: ইয়াত থকা ওমেগা-৩ ফেটি এচিড হৃদযন্ত্ৰৰ বাবে উপকাৰী।

৬) দৃষ্টিশক্তি বৃদ্ধি: ভিটামিন A-ৰ উৎস হোৱাৰ বাবে চকুৰ দৃষ্টিশক্তি উন্নত কৰে।

৭) ডায়েবেটিছ নিয়ন্ত্ৰণ: মধুমেহ ৰোগীৰ বাবে ই উপকাৰী বুলি গণ্য কৰা হয়।

৮) কটা-ছিঙা: কটা-ছিঙাৰ তেজ বন্ধ কৰাত সহায় কৰে।

৯) প্ৰস্ৰাৱৰ সমস্যা: প্ৰস্ৰাৱৰ জ্বলা-পোৰা বা কমকৈ প্ৰস্ৰাৱ হোৱা সমস্যা দূৰ কৰে। 

১০) ইয়াৰ দ্বাৰা চৰ্মৰোগ, কোষ্ঠকাঠিন্য আৰু তেজ আমাশয় আদি ৰোগৰ উপশম পোৱা যায়।

গতিকে আপোনাৰ খাদ্য তালিকাত খুতুৰা শাক সংযোগ কৰক আৰু সুস্বাস্থ্যৰ অধিকাৰী হওক।