ডিজিটেল ডেস্কঃ এছিয়া কাপৰ দল ঘোষণাৰ দিনা ৰোহিত শৰ্মাই কয় যে বিৰাট কোহলীয়ে বা নিজেও বিশ্বকাপত বলিং কৰিব পাৰে। এই লৈ টিপ্পনি মাৰিছে ভুৱনেশ্বৰ কুমাৰে। তেওঁ কয়- ''বিৰাটে নিজকে দলৰ শ্ৰেষ্ঠ বলাৰ বুলি গণ্য কৰে। সদায় বলিং কৰিবলৈ সাজু থাকে।’’
ভুৱনেশ্বৰে এতিয়া আৰু ভাৰতীয় দলত স্থান নাপায়। তৰুণ পেচাৰসকলে স্থান দখল কৰিছে। ৩৩ বছৰীয়া পেচাৰগৰাকীক সেয়েহে কেৱল আই পি এলতহে দেখা যায়। অভিজ্ঞ পেচাৰগৰাকীয়ে কয়- ''বিৰাটে নিজকে দলৰ শ্ৰেষ্ঠ বলাৰ বুলি ভাবে। কিন্তু তেওঁ বলিং কৰিলেই আমাৰ ভয় লাগে। ভাব হয় যে তেওঁ আঘাত পাব। তেওঁৰ বলিং শৈলী এনেকুৱা যে ভয় কৰিবলগা হয়।’’
সোমবাৰে ৰোহিতে কয় যে বিৰাটক বিশ্বকাপত বলিং কৰা দেখা যাব। যিখন এছিয়া কাপৰ দল নিৰ্বাচিত হৈছে তাত সোঁহাতৰ স্পিনাৰ নাই। সেই প্ৰসংগত ভাৰতীয় অধিনায়কগৰাকীয়ে কয়, “আশাকৰোঁ ৰোহিত শৰ্মা আৰু বিৰাট কোহলীয়ে বিশ্বকাপৰ খেলত কেইটামান অভাৰ খেলিব পাৰিব।”
উল্লেখ্য যে এইবাৰ বিৰাটে ১৭খন খেলত ৯৮৪ ৰান সংগ্ৰহ কৰে। এই আঠ মাহত তেওঁ চাৰিটা শতক অৰ্জন কৰিছে। আন্তঃৰাষ্ট্ৰীয় ক্ৰিকেটত ৭৬টা শতক অৰ্জন কৰিছে বিৰাটে। কিন্তু ক্ৰিকেটাৰ হোৱাৰ পৰিৱৰ্তে কি হ’লহেঁতেন? ভুৱনেশ্বৰে ধেমালিতে কয়, ‘ক্ৰিকেটাৰ নোহোৱা হ’লে বিৰাট মল্লযুঁজাৰু হ’লহেঁতেন।’’
Continue Reading
