ডিজিটেল ডেস্কঃ অক্সিজেন! জীৱজগতৰ বাবে আটাইতকৈ প্ৰয়োজন উপাদান৷পৃথিৱীৰ সকলো প্ৰান্ততে অক্সিজেনৰ উপস্থিতয়ে আমাৰ অস্তিত্ব গঢ় দিছে। পৃথিৱীৰ বায়ুমণ্ডলৰ প্ৰায় ২১ শতাংশ অংশ গঠন কৰা এই জীৱনদায়িনী গেছ অক্সিজেনে অগণন প্ৰজাতিৰ অস্তিত্ব ৰক্ষাৰ ক্ষেত্ৰত অতি গুৰুত্বপূৰ্ণ ভূমিকা পালন কৰে। কিন্তু আপুনি জানি আচৰিত হ’ব যে সদায় এনেকুৱা নাছিল। প্ৰায় ৪.৫ বিলিয়ন বছৰ আগতে যেতিয়া এই গ্ৰহটো গঠন হৈছিল তেতিয়া পৰিস্থিতি বহুত বেলেগ আছিল। পৃথিৱীৰ বায়ুমণ্ডলত কাৰ্বন ডাই অক্সাইড, মিথেন আৰু জলীয় বাষ্পহে প্ৰধানত আছিল। আৰু বিজ্ঞানীসকলে ভৱিষ্যদ্বাণী কৰিছে যে ভৱিষ্যতে পৃথিৱীৰ বায়ুমণ্ডল পুনৰ কম অক্সিজেন থকা পৰিৱেশলৈ পৰিৱৰ্তিত হ’ব।
অধ্যয়নটোত কোৱা হৈছে যে এই পৰিৱৰ্তনে পৃথিৱীখনক প্ৰায় ২.৪ বিলিয়ন বছৰ পূৰ্বে গ্ৰেট অক্সিডেচন ইভেণ্ট (GOE) নামেৰে জনাজাত অৱস্থালৈ লৈ যাব। বিজ্ঞানীসকলে সৌৰজগতৰ বাহিৰত বসবাসযোগ্য গ্ৰহৰ সন্ধানত উলিওৱাৰ সময়তে এই গৱেষণা পুনৰ বাতৰিৰ শিৰোনাম দখল কৰিছে। ইয়াত কোৱা হৈছে যে বায়ুমণ্ডলীয় অক্সিজেন সাধাৰণতে বসবাসযোগ্য পৃথিৱীৰ স্থায়ী বৈশিষ্ট্য হোৱাৰ সম্ভাৱনা নাই।
জৰ্জিয়া ইনষ্টিটিউট অৱ টেকন’লজিৰ ক্ৰীছ ৰেইনহাৰ্ডে নিউ চাইন্টিষ্টক জনাইছে যে অক্সিজেনৰ হ্ৰাস অতি ভয়াৱহ। আমি আজিৰ তুলনাত এক লাখ গুণ কম অক্সিজেনৰ কথা কৈছো। ডুমছডেৰ পূৰ্বাভাস দিয়া বিজ্ঞানীসকলে গৱেষণাত কয় যে মডেলে বায়ুমণ্ডলৰ ডিঅক্সিজেনেচনৰ ভৱিষ্যদ্বাণী কৰে৷গৱেষকসকলে সূৰ্যৰ উজ্জ্বলতাৰ পৰিৱৰ্তন আৰু কাৰ্বন ডাই অক্সাইডৰ মাত্ৰা হ্ৰাসৰ বিশ্লেষণ কৰি পৃথিৱীৰ বায়ুমণ্ডলৰ বিশদ আৰ্হি তৈয়াৰ কৰিছিল। কাৰ্বন ডাই অক্সাইড কম হোৱাৰ অৰ্থ হ’ল উদ্ভিদৰ দৰে সালোক সংশ্লেষণকাৰী জীৱ হ্ৰাস পোৱা, যাৰ ফলত অক্সিজেন কম হ’ব।
Continue Reading
