ডিজিটেল ডেস্কঃ শেহতীয়াকৈ পোহৰলৈ আহিছে ছোনিয়া গান্ধীৰ সম্পত্তিৰ মুঠ পৰিমাণ৷কংগ্ৰেছৰ প্ৰাক্তন সভানেত্ৰী ছোনিয়া গান্ধীৰ ইটালীত থকা পূৰ্বপুৰুষৰ সম্পত্তিত আছে বৃহৎ অংশীদাৰিত্ব। ছোনিয়া গান্ধীৰ পূৰ্বপুৰুষৰ ঘৰ ইটালীৰ লুইজিয়ানাত।ছোনিয়া গান্ধীয়ে বুধবাৰে কংগ্ৰেছৰ প্ৰাৰ্থী হিচাপে ৰাজস্থানৰ পৰা ৰাজ্যসভা নিৰ্বাচনৰ বাবে মনোনয়ন দাখিল কৰিছে।
মনোনয়নৰ সময়ত দিয়া শপতনামাত গান্ধীয়ে ইটালীত থকা নিজৰ পূৰ্বপুৰুষৰ সম্পত্তিৰ অংশীদাৰিত্ব থকাৰ কথা উল্লেখ কৰিছে। এই সম্পত্তিৰ বৰ্তমান মূল্য ২৬ লাখ, ৮৩ হাজাৰ, ৫৯৪ টকা বুলি কোৱা হৈছে। শপতনামা অনুসৰি ছোনিয়াৰ মুঠ সম্পত্তিৰ মূল্য ১২.৫৩ কোটি টকা।
ছোনিয়া গান্ধীৰ হাতত আছে ৮৮ কেজি ৰূপ আৰু ১২৬৭ গ্ৰাম সোণ আৰু গহনা। দিল্লীৰ ডেৰমণ্ডি গাঁৱত তিনি বিঘা (২৫২৯.২৮ বৰ্গমিটাৰ) কৃষিভূমি। ইয়াৰ মুঠ মূল্য ৫ কোটি, ৮৮ লাখ বুলি কোৱা হৈছে। আয়ৰ উৎস হ’ল সাংসদ হিচাপে লাভ কৰা দৰমহা, বেংকত জমা ধনৰ সুত আৰু লাভাংশ।উল্লেখ্য যে গান্ধীৰ নিজৰ কোনো বাহন নাই।
Continue Reading
