ডিজিটেল ডেস্কঃ পানীৰ আন এটা নাম হৈছে জীৱন। কিন্তু সেই ‘জীৱন’ যিটো বটলত থাকে, সেই বটলেই যদি জীৱন হেৰুৱাৰ কাৰণ হৈ পৰে, তেন্তে সেয়া এক ডাঙৰ বিপদ। শেহতীয়া গৱেষণাৰ পৰা দেখা গৈছে যে পুনৰ ব্যৱহাৰযোগ্য খোৱাপানীৰ বটলত লেট্ৰিনৰ ক’ম’ডতকৈ কেইবাগুণ বেছি বীজাণু থাকে।
আমেৰিকান বিজ্ঞানীৰ এটা দলে বিভিন্ন ঠাইৰ পৰা নমুনা সংগ্ৰহ কৰি যেনে খাদ্য পানীৰ বটলৰ পিছফাল, মুখ আৱৰণ, ছালৰ দাগ আদিৰ পৰা নমুনা সংগ্ৰহ কৰি দুবিধ বেক্টেৰিয়া উদ্ধাৰ কৰে।
অষ্ট্ৰেলিয়ান কেথলিক বিশ্ববিদ্যালয়ৰ ক্লিনিকেল চাইক’লজিষ্ট তথা সহকাৰী অধ্যাপক কিয়ং য়াপে কয় - ''এই দুবিধ বেক্টেৰিয়াই সাধাৰণতে শৰীৰৰ ৰোগ প্ৰতিৰোধ ক্ষমতা ধ্বংস কৰে। এনে কিছুমান বেক্টেৰিয়াই পেটৰ অসুখৰো সৃষ্টি কৰে।”
অৱশ্যে কেৱল খোৱাপানীৰ বটলতেই নহয়, পাকঘৰৰ চিঙ্ককে ধৰি বিভিন্ন বাচন-বৰ্তনতো এই বীজাণু থকা বুলিও অধ্যয়নটোত উল্লেখ কৰা হৈছে। যেনে কম্পিউটাৰৰ কিবৰ্ড, মাউচ বা অফিচৰ কামত ব্যৱহাৰ কৰা পোহনীয়া জন্তুৰ খাদ্যৰ বাটি।
ইম্পেৰিয়েল কলেজ লণ্ডনৰ আণৱিক অণুজীৱবিজ্ঞানী এণ্ড্ৰু এডৱাৰ্ডে কয়, “মানুহৰ মুখগহ্বৰটোৱেই বেছিভাগ অণুজীৱৰ ঘৰ। গতিকে মুখৰ ওচৰলৈ অহা বটল এটা এনে বীজাণুৱে আগুৰি থকাটো স্বাভাৱিক।”
Continue Reading
