ডিজিটেল ডেস্কঃ ‘কৰিশ্মা কা কৰিশ্মা’ নামৰ জনপ্ৰিয় টিভি ছিৰিয়েলখনৰ কথা মনত আছেনে? তাত কৰিশ্মা নামৰ এটা ৰবটৰ চৰিত্ৰ দেখুওৱা হৈছিল। শিশুসকলৰ মাজত এই ছিৰিয়েলখন অতি জনপ্ৰিয় আছিল। কৰিশ্মাৰ চৰিত্ৰত অভিনয় কৰিছিল ঝনক শুক্লাই। শেহতীয়াকৈ ঝনক শুক্লাই নিজৰ জীৱনৰ এটা ডাঙৰ ভাল খবৰ অনুৰাগীৰ সৈতে শ্বেয়াৰ কৰিছে।
ৰবট কৰিশ্মাৰ চৰিত্ৰত অভিনয় কৰা বিখ্যাত শিশু অভিনেত্ৰীগৰাকীৰ শেহতীয়াকৈ বাগদান সম্পন্ন হৈছে। ছ'চিয়েল মিডিয়াত হবলগীয়া স্বামীৰ সৈতে ফটো শ্বেয়াৰ কৰি নিজৰ এংগেজমেণ্টৰ কথা ঘোষণা কৰিছে অভিনেত্ৰীগৰাকীয়ে।
দীৰ্ঘদিনীয়া প্ৰেমিক স্বপ্নীল সূৰ্যবংশীৰ সৈতে এংগেজমেণ্ট কৰিছে ঝনক শুক্লাই। অভিনেত্ৰীগৰাকীয়ে ছ’চিয়েল মিডিয়াত নিজৰ এংগেজমেণ্টৰ ছবি শ্বেয়াৰ কৰিছে।
ঝনক শুক্লা বিখ্যাত টিভি অভিনেত্ৰী সুপ্ৰিয়া শুক্লাৰ কন্যা। সুপ্ৰিয়া শুক্লাই নিজৰ কেৰিয়াৰত বহু টিভি ধাৰাবাহিক, ৱেব ধাৰাবাহিক আৰু ছবিত কাম কৰি আহিছে।
শৈশৱত বহু টিভি ধাৰাবাহিকত নিজৰ অভিনয় প্ৰদৰ্শন কৰিছিল ঝনক শুক্লাই। ঝনকে শ্বাহৰুখ খান আৰু প্ৰীতি জিন্তাৰ সৈতে ‘কল হো না হো’ ছবিতো কাম কৰিছে।
ছ’চিয়েল মিডিয়াত ঝনক শুক্লা অতি সক্ৰিয় হৈ থাকে। ঝনক এগৰাকী লাইফষ্টাইল আৰু ফেশ্বন ব্লগাৰ। ছ’চিয়েল মিডিয়াত প্ৰায়ে ঝনকে নতুন নতুন ফটো আৰু ভিডিঅ’ পোষ্ট কৰে।
Continue Reading
