পকেটত টকা নাথাকে কিন্তু শ্ব’ অফ কৰিবলৈ পাৰ্টি কৰে! ৰতন ৰাজপুতে উদঙালে গ্লেমাৰ জগতৰ বহু কথা

ৰতনে কয় যে ''চলচ্চিত্ৰ আৰু টিভি জগতৰ বৰ্তমানৰ অৱস্থাৰ বিষয়ে কোৱাটো অতি প্ৰয়োজনীয়। আজি আমি এনেকুৱা ঘটনা কিছুমান দেখিবলৈ পাইছো য'ত এনে লাগে যে ইমান সৰু কথাত মানুহে আত্মহত্যা কৰা উচিত নাছিল। ইয়াত সৰু কথাবোৰো ডাঙৰ হৈ পৰে। পকেটত টকা নাথাকিলেও সংবাদ মাধ্যমত চৰ্চিত হৈ থাকিবৰ বাবে পাৰ্টি কৰে অভিনেতা-অভিনেত্ৰীয়ে। ভাড়াৰ টকা দিব নাথাকিলেও কিন্তু নিজকে হাই ক্লাছ দেখুৱাবলৈ কিছুমান বস্তু কিনি টকা খৰচ কৰে তেওঁলোকে। এনে বহু মানুহ খুব তললৈ নামি অহা দেখিছোঁ আৰু এই কাৰণে আত্মহত্যাৰ দৰে পদক্ষেপ লয়।''

ৰতনে আৰু কয় যে ''সৰু চহৰৰ পৰা বহু লোক মুম্বাইলৈ আহে। ইয়াত ব্যক্তিজনক নিম্ন শ্ৰেণী আৰু উচ্চ শ্ৰেণী হিচাপে দেখা যায়। নিম্ন শ্ৰেণীৰ মানুহে উচ্চ শ্ৰেণীৰ হ’বলৈ যৎপৰোনাস্তি চেষ্টা কৰে। ডাঙৰ ডাঙৰ হোটেলত পাৰ্টি কৰি শ্বো অফ কৰে। ময়ো পাটনা বিহাৰৰ। ময়ো মুম্বাইত বহু সময় কটালোঁ, কিন্তু মই কেতিয়াও নিম্ন আৰু উচ্চ শ্ৰেণীৰ বৃত্তত নপৰিলোঁ। মই গাঁৱত সহজ ভাৱে থকাৰ দৰে মুম্বাইতো একেদৰে থাকো। মই নিজকে কেতিয়াও শ্বো অফ  নকৰো আৰু ভুৱা মানুহৰ লগতো সংগ নকৰো। মই সঁচা পৃথিৱীৰ সঁচা মানুহৰ সৈতে সংযোগ স্থাপন কৰি ভাল পাওঁ। উল্লেখ্য যে ৰতনে ছ’চিয়েল মিডিয়াত বহুতো ভ্লগ শ্বেয়াৰ কৰে, য'ত তেওঁ গাঁৱৰ জীৱনটোক অতি নিবিড়ভাৱে দেখুৱায়। কেতিয়াবা ৰতনক পথাৰত কাম কৰা দেখা যায় আৰু কেতিয়াবা চৌকাত ৰন্ধা-বঢ়া কৰা দেখা যায়।