ডিজিটেল ডেস্কঃ ঘৰখনৰ অথবা চৌপাশৰ আৱৰ্জনাবোৰ পৰিষ্কাৰ কৰি ৰাখিবলৈ ডাষ্টবিনৰ ব্যৱহাৰ অপৰিহাৰ্য৷ বৰ্তমানৰ ডাষ্টবিনৰ ব্যৱহাৰ সম্পৰ্কে চৰকাৰী বা৷বেচৰকাৰীভাৱেও সজাগতা সৃষ্টি কৰা হৈছে৷ আনকি ডাষ্টবিনৰ বিপৰীতে মুকলি ঠাইত জাৱৰ-জোথৰ পেলালে জৰিমনা বিহাৰো নিয়ম আছে৷
আৱৰ্জনাৰ প্ৰকাৰৰ ওপৰত ভিত্তি কৰি আৱৰ্জনা পেলোৱাৰ বাবে নীলা আৰু সেউজীয়া ৰঙৰ ডাষ্টবিন ব্যৱহাৰ কৰা হয়। ভিজা আৱৰ্জনাৰ বাবে সেউজীয়া ডাষ্টবিন আৰু শুকান আৱৰ্জনাৰ বাবে নীলা ডাষ্টবিন ব্যৱহাৰ হয়। কিন্তু ইয়াৰ বিপৰীতে চিকিৎসালয়ত হয়তো ৫ টা ৰঙৰ ডাষ্টবিন ব্যৱহাৰ কৰা আপুনিও মন কৰিছে৷ জানো আহক, কিয় চিকিৎসালয় ৫ টা ৰঙৰ ডাষ্টবিন ব্যৱহাৰ কৰা হয়৷
১. ৰঙা ৰঙৰ ডাষ্টবিন
এই ৰঙৰ ডাষ্টবিনত ব্লাড বেগ, প্ৰস্ৰাৱৰ বেগ, টিউবিন, গ্লাভছ, আই ভি চেট, চিৰিঞ্জ আৰু অন্যান্য সংক্ৰমিত বস্তু পেলোৱা হয়৷ মূলতঃ পেথ’লজী আৰু অপাৰেচন থিয়েটাৰত ব্যৱহাৰ কৰা বস্তুবোৰ ৰঙা ডাষ্টবিনত পেলোৱা হয়।
২. হালধীয়া ৰঙৰ ডাষ্টবিন
ৰোগী বা সাধাৰণ লোকে ব্যৱহাৰ কৰা টিচুজ, প্লেচেণ্টা, বেণ্ডেজ আৰু তেজেৰে তিতি থকা কঁপাহ পেলোৱা হয় হালধীয়া ৰঙৰ ডাষ্টবিনত।
৩. ক’লা ৰঙাৰ ডাষ্টবিন
ক’লা ৰঙৰ ডাষ্টবিনত বায়’মেডিকেল আৱৰ্জনা পেলোৱা হয়৷ ইয়াত বেটাৰী, বেবী ডায়েপাৰ, চেনিটেৰী পেড আৰু ম্যাদ ওকলা ঔষধ পেলোৱা হয়। ইয়াৰ উপৰি বিউটি প্ৰডাক্ট আৰু ৰাসায়নিক পদাৰ্থও পেলোৱা হয়।
৪. নীলা ৰঙৰ ডাষ্টবিন
শুকান আৱৰ্জনা পেলোৱাৰ বাবে ব্যৱহাৰ হয় নীলা ৰঙৰ ডাষ্টবিন। ইয়াত প্লাষ্টিকৰ সামগ্ৰী, খাদ্য সামগ্ৰীৰ পেকেট, তথা অন্যান্য শুকান সামগ্ৰী পেলোৱা হয়।
৫. সেউজীয়া ৰঙৰ ডাষ্টবিন
ভিজা আৱৰ্জনাৰ বাবে সেউজীয়া ৰঙৰ ডাষ্টবিন ব্যৱহাৰ কৰা হয়। ইয়াত ৰৈ যোৱা খাদ্য সামগ্ৰী, বিভিন্ন শাক-পাচলিৰ বাকলিৰ লগতে আন আন ভিজা আৱৰ্জান পেলোৱা হয়।
Continue Reading
