কিয় ইনিংছ সামৰিলে নৱজ্যোৎ সিং সিদ্ধুৱে? এই ৫ কাৰণক লৈ চলিছে চৰ্চা…

ডিজিটেল ডেস্ক : ৰাজনীতিৰ গৰম বতাহজাকত এতিয়া উত্তাল পঞ্জাৱৰ ৰাজনীতি। পঞ্জাৱৰ ৰাজনীতিত বিসম্বাদৰ বীজ সিচি দি নৱজ্যোৎ সিং সিদ্ধুৰ নেতৃত্বত গঢ়ি উঠিছিল লবীকেন্দ্ৰীক ৰাজনীতি। মূলত: সিদ্ধুৰ বিসম্বাদৰ বাবে পঞ্জাৱৰ মুখ্যামন্ত্ৰীৰ পদ হেৰুৱাব লগা হৈছিল কেপ্টেইন অমৰিন্দৰ সিং।

ইফালে, কংগ্ৰেছ হাইকামাণ্ডৰ সদায় নয়নৰ মণি হৈ থাকিব বিচৰা সিদ্ধুৱে এইবাৰ কংগ্ৰেছকে দিলে মোক্ষম আঘাত। কিয়নো সিদ্ধুৱে পঞ্জাৱ কংগ্ৰেছৰ সভাপতি পদ আকস্মিকভাৱে ত্যাগ কৰা কৰা বুলি কৰা ঘোষণাই অস্বস্তিত পেলাইছে দলীয় হাইকমাণ্ডক।সি যি কি নহওক, সিদ্ধুৱে সভাপতি পদ ত্যাগৰ সিদ্ধান্তৰ আঁৰৰ কাৰণ কি তাক লৈ ৰাজনৈতিক মহলত এতিয়া ব্যাপক চৰ্চা চলিছে।

এইবোৰৰ ভিৰতৰ সম্ভাব্য পাঁচটা কাৰণক লৈ চলিছে চৰ্চা। প্ৰথম, পঞ্জাৱৰ উপ-মুখ্যমন্ত্ৰী সুখজিন্দৰ সিঙক গৃহ বিভাগৰ দৰে এটা গুৰুত্বপূৰ্ণ পদবী দিয়াক লৈ মুঠেই সন্তুষ্ট নহয় সিদ্ধু। তদুপৰি ক্ৰিকেটৰ পৰা ৰাজনীতিবিদ হোৱা ৰাণা গুৰজিৎ সিঙক কংগ্ৰছৰ নতুন মন্ত্ৰীসভাত অন্তৰ্ভুক্ত কৰা কাৰ্যৰো ঘোৰ বিৰোধিতা কৰিছিল সিদ্ধুৱে, কিয়নো সেই নেতাজনৰ বিৰুদ্ধে বহুকেইটা কেলেংকাৰী অভিযোগ থকাৰ কথা প্ৰকাশ কৰি আহিছিল সিদ্ধুৱে। তৃতীয়তে, নতুন মন্ত্ৰীসভাত এ পি এছ বিষয়া দেউলক চৰকাৰৰ জেনেৰেল এডভোকেট হিচাপে নিযুক্তি দিয়াক লৈ অসন্তুষ্ট হৈছিল সিদ্ধু। কিয়নো তেওঁৰ বিৰুদ্ধেও আছে বলিদান গোচৰ, শিখ ধৰ্মীয়া গ্ৰন্থ চাহিবক ঘোৰ অপমান কৰাৰ গুৰুতৰ অভিযোগ। এনেবোৰ কাৰণতে সিদ্ধুৱে পদত্যাগ কৰা বুলি ব্যাপক চৰ্চা চলিছে। অৱশ্যে সিদ্ধুৰ পদত্যাগ হাইকমাণ্ডে গ্ৰহণ কৰা নাই বুলি জানিব পৰা গৈছে। আলোচনাৰ মাজেৰে সিদ্ধুৰ অসন্তুষ্টি আতৰোঁৱাৰ চেষ্টা কৰিছে কংগ্ৰেছৰ শীৰ্ষ নেতৃত্বই।