কল খালে হৃদযন্ত্ৰ শক্তিশালী হয়, কল সেৱনৰ বহুতো উপকাৰিতাৰ আছে কিন্তু কলৰ অপকাৰিতাসমূহ জানো আহক

ডিজিটেল ডেস্ক : মানুহে সুস্থ হৈ থাকিবলৈ ফলমূল সেৱন কৰে। ফলে শৰীৰক পুষ্টি প্ৰদান কৰে। ফলত ভিটামিন, প্ৰটিন, খনিজ পদাৰ্থকে ধৰি প্ৰচুৰ পৰিমাণে পুষ্টিকৰ উপাদান থাকে। কোৱা হয় যে প্ৰতিদিনে পুৱা খালী পেটত এটা আপেল খালে মানুহ সুস্থ হৈ থাকে, কিন্তু আপেলৰ বাহিৰেও বহুতো ফল আছে, যিবোৰ অতি পুষ্টিকৰ। যদি আপুনি সুস্থ হৈ থাকিবলৈ উপকাৰী খাদ্য গ্ৰহণ কৰিব বিচাৰে তেন্তে কল উপকাৰী হ’ব পাৰে।

 বিশেষজ্ঞসকলে প্ৰতিদিনে এটাকৈ কল খাবলৈ পৰামৰ্শ দিয়ে। কলত ভিটামিন আৰু পুষ্টিকৰ উপাদান প্ৰচুৰ পৰিমাণে থাকে। কলত পোৱা কাৰ্বহাইড্ৰেট, ভিটামিন-এ, চি আৰু বি৬, আইৰন, ফছফৰাছ, কেলচিয়াম, মেগনেছিয়াম, জিংক, ছ’ডিয়াম, পটাছিয়াম আদিয়ে শৰীৰক সম্পূৰ্ণ পুষ্টি প্ৰদান কৰিব পাৰে। ইয়াৰ উপৰি প্ৰাকৃতিক চেনি যেনে-চুক্ৰ’জ, ফ্ৰুক্ট’জ আৰু গ্লুক’জ পোৱা যায়। সেয়েহে কলক ছুপাৰফুড বুলি গণ্য কৰা হয়। কিন্তু কিছু ক্ষেত্ৰত কল অপকাৰী বুলি গণ্য কৰা হয়। জানো আহক সবিশেষ।

 ১. কলৰ উপকাৰিতাসমূহ-

* কলত পটাছিয়াম থাকে, ৱৰ্কআউটৰ পাছত নিমীয়াকৈ কল খোৱাটো স্বাস্থ্য পক্ষে উপকাৰী।

* ভিটামিন-বি৬ কলত পোৱা যায়, যিটো মগজুৰ শক্তি বৃদ্ধি কৰাত সহায় কৰে আৰু ইয়াৰ সেৱনে স্মৃতিশক্তি বৃদ্ধি কৰে।

* ওজন নিয়ন্ত্ৰণত কল অতি উপকাৰী।

* কলে কোষ্ঠকাঠিন্য আৰু পেটৰ সমস্যাৰ পৰা উপশম দিয়ে।

* কলত এমিনো এচিডৰ পৰিমাণ বেছি হোৱাৰ বাবে হৰম’নৰ মাত্ৰা শুদ্ধ হৈ থাকে আৰু ইয়াৰ ফলত মানসিক চাপ হ্ৰাস কৰে।

* কলে হৃদৰোগ সুস্থ কৰি ৰখাত সহায় কৰে।

 ২. কল সেৱনৰ অপকাৰিতাসমূহ-

* কলত থকা কেলৰিৰ পৰিমাণ অতি বেছি, যাৰ ফলত ওজন বৃদ্ধি পায়। সেয়ে যিসকল লোকৰ ওজন বেছি, তেওঁলোকে কল খোৱাৰ পৰা বিৰত থাকিব লাগে।

* কলত প্ৰটিন কম থাকে, যাৰ ফলত ইয়াৰ সেৱনে পেশীবোৰ দুৰ্বল কৰি তুলিব পাৰে

* কলত পোৱা ফ্ৰুক্ট’জে পেটত গেছৰ সমস্যাৰ সৃষ্টি কৰিব কৰে।