ডিজিটেল ডেস্কঃ উত্তৰ প্ৰদেশৰ বিধানসভা নিৰ্বাচনী প্ৰচাৰ তুংগত উঠিছে। প্ৰধানমন্ত্ৰী নৰেন্দ্ৰ মোদীৰ সঘন আহযাহ চলিছে উত্তৰ প্ৰদেশলৈ। আজি প্ৰধানমন্ত্ৰী মোদী মেৰুটত উপস্থিত হয়। প্ৰধানমন্ত্ৰী মোদীক আদৰিবলৈ মেৰুটৰ সাৰধানা বিধানসভাই ব্যাপক প্ৰস্তুতি আৰম্ভ কৰিছে। উলিওৱা হৈছে এক বৃহৎ ৰেলী। সাৰধনাৰ বিধায়ক সংগীত সোমে কৈছিল যে সমগ্ৰ সাৰধানা বিধানসভাত প্ৰায় ১০ লাখ চাকি জ্বলোৱা হয়। শ্ৰী ৰাম অযোধ্যালৈ অহাৰ পূৰ্বে যিদৰে অযোধ্যাক চাকিৰে সজোৱা হৈছিল ঠিক একেদৰে প্ৰধানমন্ত্ৰী মোদীৰ সাৰধনা বিধানসভা ৰেলী ভ্ৰমণৰ প্ৰাকমুহূৰ্তত সমগ্ৰ সাৰধানা বিধানসভা সমষ্টি চাকিৰে সজোৱা হয়।
প্ৰধানমন্ত্ৰী নৰেন্দ্ৰ মোদীৰ আগমনৰ পূৰ্বে একেলগে জ্বলি উঠিল ১০ লাখ চাকি। পোহৰৰে আদৰণি জনোৱা হৈছে দেশৰ প্ৰধানমন্ত্ৰীগৰাকীক।ইয়াৰ ফলত প্ৰধানমন্ত্ৰী নৰেন্দ্ৰ মোদীৰ আগমনৰ ঠিক আগতে মেৰুটত দীপোৎসৱ উদযাপন কৰা হৈছিল। সন্ধিয়া সময়ত বিভিন্ন আকৃতিৰ চাকিৰ পোহৰেৰে সাৰধানা উজলি উঠে।
সাৰধানাৰ ৰাস্তাই ৰাস্তাই, চাৰিআলিসমূহতো চাকি জ্বলোৱা হৈছিল। কালিৰ দিনটোত একপ্ৰকাৰ আৱতৰীয়া দীপাৱলী উদযাপন হ'ল সাৰধানাত। উল্লেখ্য যে প্ৰধানমন্ত্ৰীয়ে সাৰধনাৰ চালাভাত স্থাপন কৰিব উত্তৰ প্ৰদেশৰ প্ৰথমখন ক্ৰীড়া বিশ্ববিদ্যালয়ৰ আধাৰশিলা। প্ৰধানমন্ত্ৰী মোদীক ১০ লাখ চাকিৰে আদৰণি জনোৱা কথাটোৱে দেশজুৰি ব্যাপক চৰ্চা লাভ কৰিছে।
আৰু পঢ়কঃ চিগাৰেট হুপি বিপদত পৰিল মোহময়ী অভিনেত্ৰী; তেওঁৰ বিৰুদ্ধে ফটোৱা জাৰিৰ দাবী
