ডিজিটেল ডেস্কঃ বলিউডৰ এজন সুনামধন্য অভিনেতা জন আব্ৰাহামে শেহতীয়াকৈ কলকাতাৰ এগৰাকী চিকিৎসকৰ সৈতে জড়িত এই কৰুণ গোচৰটোৰ প্ৰতি তীব্ৰ প্ৰতিক্ৰিয়া প্ৰকাশ কৰে, য’ত তেওঁ কয় যে ‘এনে ঘটনাৰ বাবে নাৰীক দোষাৰোপ কৰিব নোৱাৰি।’ পিতৃ-মাতৃয়ে নিজৰ পুত্ৰক উন্নত মূল্যবোধেৰে ডাঙৰ-দীঘল কৰিবলৈ আহ্বান জনায়।
এক সাক্ষাৎকাৰত যেতিয়া চিকিৎসকজনৰ কথিত ধৰ্ষণ আৰু হত্যাৰ পোহৰত যুৱক-যুৱতীসকলৰ বাবে কিবা পৰামৰ্শ আছে নেকি বুলি সোধাত অভিেনেতা গৰাকীয়ে পৰিস্থিতিৰ প্ৰতি উগ্ৰ হৈ কয়, “ল’ৰাকেইটাক কৈছো নিজ আচৰণ ঠিক কৰা, নহ’লে মই তোমালোকক ফালি পেলাম,”
সাক্ষাৎকাৰত জনে নিজকে দেশপ্ৰেমিক বুলি কয় আৰু ভাৰতত সন্মুখীন হোৱা বহল সমস্যাসমূহৰ বিষয়ে আলোচনা কৰি মহিলা, শিশু আৰু জীৱ-জন্তুৰ সুৰক্ষাৰ অভাৱৰ ওপৰতো মতপোষণ কৰে। ভাৰতীয় পুৰুষে মহিলাৰ লগত কেনে ব্যৱহাৰ কৰিব লাগে সেই কথা বুজি পোৱাটো অতি প্ৰয়োজনীয় আৰু প্ৰতিজন পুৰুষেই ভক্ষক নহয়, ৰক্ষক হোৱা উচিত বুলি তেওঁ মত প্ৰকাশ কৰে ৷
নাৰীৰ ওপৰত হোৱা হিংসাৰ বিষয়বস্তুক কেন্দ্ৰ কৰি নিৰ্মান কৰা জনৰ শেহতীয়া ছবি ‘বেদা’ত সমগ্ৰ দেশৰ একেধৰণৰ বাস্তৱ জীৱনৰ ঘটনাৰ প্ৰতিফলন ঘটিছে। কিন্তু সময়োপযোগী আৰু প্ৰাসংগিক বিষয়বস্তুৰ সত্ত্বেও ছবিখনে বক্স অফিচত সংগ্ৰাম কৰি আছে, প্ৰথম সপ্তাহত ২০ কোটিতকৈও কম উপাৰ্জন কৰিছে।
Continue Reading
