ডিজিটেল ডেস্ক
ক্ৰমাৎ পৃথিৱীৰ ওচৰ চাপি আহিছে বৃহস্পতি গ্ৰহ। এই মাহত, সৌৰজগতৰ আটাইতকৈ ডাঙৰ গ্ৰহটো গোটেই ৰাতি আকাশত দেখা যাব। যোৱা ৭০ বছৰত ভিতৰত এইবাৰেই দুয়োটা গ্ৰহৰ মাজত ইমানখিনি দূৰত্ব হ্ৰাস পাইছে৷ ইয়াৰ পূৰ্বে দুয়োটা গ্ৰহৰ মাজত ইমানখিনি দূৰত্ব হ্ৰাস পাইছে!
মহাকাশ বিজ্ঞানীসকলৰ মতে, বৃহস্পতি গ্ৰহ ২৬ ছেপ্টেম্বৰত পৃথিৱীৰ অতি ওচৰলৈ আহিব। সেইদিনা গোটেই ৰাতি আকাশত এই গ্ৰহটো দেখা যাব। পৃথিৱীৰ বিপৰীতে, সূৰ্য আৰু বৃহস্পতি দুয়োটা একে ফালে থাকিব। ফলস্বৰূপে, সূৰ্যৰ দৰে বৃহস্পতি পূবত দেখা যাব আৰু পশ্চিমত মাৰ যাব৷
নাছাই এক বিবৃতিত কৈছিল যে , যিহেতু বৃহস্পতি ২৬ তাৰিখে পৃথিৱীৰ অতি ওচৰলৈ আহিব গতিকে সেইদিনা গ্ৰহটো পৃথিৱীৰ পৰা অধিক স্পষ্ট আৰু উজ্জ্বল ৰূপত দেখা যাব। এই ঘটনাটো যথেষ্ট বিৰল। নাছাৰ সূত্ৰ অনুসৰি, সেইদিনা চন্দ্ৰৰ বাহিৰেও এই বৃহস্পতি গ্ৰহটো আকাশৰ আন গ্ৰহ আৰু তৰাবোৰৰ ভিতৰত আটাইতকৈ উজ্জ্বল হৈ উঠিব৷
অৱশ্যে, বৃহস্পতিক পৃথিৱীৰ পৰা খালি চকুৰে দেখা নাযায়। বিজ্ঞানীসকৰ মতে, গ্ৰহটো চাবলৈ দূৰবীণৰ সহায় ল'ব লাগিব।উল্লেখ্য যে মুখ্য গ্ৰহৰ উপৰিও, বৃহস্পতি গ্ৰহৰ তিনিৰ পৰা চাৰিটা উপগ্ৰহ ভাল দূৰবীণৰ জৰিয়তে দেখা যায়। গেলিলিঅ'ই প্ৰথমে সপ্তদশ শতিকাত দূৰবীণৰ জৰিয়তে এই উপগ্ৰহবোৰ দেখিছিল।
অৱশ্যে কেৱল ২৬ ছেপ্টেম্বৰত নহয় ,সেই দিনটোৰ পূৰ্বতে আৰু পৰৱৰ্তী কিছু দিনলৈ বৃহস্পতি গ্ৰহটো নিশাৰ আকাশত স্পষ্টভাৱে দেখা যাব। অৱশ্যে, বতৰ ডাৱৰীয়া হ’লে গ্ৰহটো স্পষ্ট ৰূপত দেখা পোৱা নাযাব৷
Continue Reading
