ডিজিটেল ডেস্ক: অৱশেষত সম্বিৎ ঘূৰি আহিল কংগ্ৰেছ নেতৃত্বৰ৷ কমল নাথৰ নেতৃত্বত মধ্য প্ৰদেশত চৰম বিপৰ্যয়ৰ সন্মুখীন হৈছিল কংগ্ৰেছ৷
কমল নাথৰ অদক্ষ দল পৰিচালনা নীতিৰ ফল শেহতীয়া নিৰ্বাচনত বাৰুকৈয়ে ভুগিলে দলটোৱে৷ আৰু মধ্য প্ৰদেশৰ নিৰ্বাচনত বিপৰ্যস্ত হৈ পৰাৰ পাছত শনিবাৰে কংগ্ৰেছে জ্যেষ্ঠ নেতা তথা প্ৰাক্তন মুখ্যমন্ত্ৰী কমল নাথক মধ্য প্ৰদেশ ৰাজ্যিক কংগ্ৰেছৰ সভাপতি পদৰ পৰা আঁতৰোৱাৰ বৃহৎ সিদ্ধান্ত গ্ৰহণ কৰিছে৷
কমল নাথৰ স্থানত স্থলাভিষিক্ত কৰা হৈছে অন্যান্য পিছপৰা শ্ৰেণীৰ (অ’বিচি) নেতা জিতু পটৱাৰীক৷ ৩৫,০০০তকৈও অধিক ভোটৰ ব্যৱধানত চাউ বিধানসভা আসনত বিজেপি প্ৰাৰ্থীৰ হাতত পৰাজিত হোৱা পটৱাৰীক অহা বছৰৰ লোকসভা নিৰ্বাচনৰ পূৰ্বে গুৰুত্বপূৰ্ণ হাৰ্টলেণ্ড ৰাজ্যখনত নতুন দায়িত্ব দি কংগ্ৰেছ হাইকমাণ্ডে শক্তিশালী বাৰ্তা প্ৰেৰণ কৰিছে৷
অৱশ্যে ছত্তীশগড়ত পৰাজয় সত্ত্বেও কংগ্ৰেছে দীপক বাইজক ৰাজ্যিক গোটৰ মুৰব্বী হিচাপে ধৰি ৰখাৰ সিদ্ধান্ত লৈছে।
মধ্য প্ৰদেশত দলটোৱে উমাং সিংঘাৰক কংগ্ৰেছ বিধায়িনী দলৰ নেতা হিচাপেও নিযুক্তি দিছে, যাৰ অৰ্থ হৈছে যে তেওঁ বিধানসভাৰ বিৰোধী দলৰ নেতা হ’ব আৰু হেমন্ত কাটাৰেক উপনেতা হিচাপে বাছনি কৰিছে।
Continue Reading
