ডিজিটেল ডেস্ক: ১০ মে’ত কৰ্ণাটকত অনুষ্ঠিত হ’ব বিধানসভা নিৰ্বাচন৷ মাজত মাথোঁ ৩টা দিন। কৰ্ণাটকত শাসক-বিৰোধীৰ প্ৰচাৰ অভিযান তুংগত উঠিছে৷
আজি কৰ্ণাটকৰ হুবালীত নিৰ্বাচনী সভাত অংশ লয় কংগ্ৰেছ নেত্ৰী ছোনিয়া গান্ধীয়ে। চাৰি বছৰৰ বিৰতিৰ পাছত ৰাজহুৱা সভাত অংশ ল’লে নেত্ৰীগৰাকীয়ে। নিৰ্বাচনী সভাত অংশ লৈ বিজেপিক তুলাধূনা ছোনিয়া গান্ধীৰ। বিজেপিৰ শাসনত কৰ্ণাটকত দুৰ্নীতি আৰু ঘৃণা বৃদ্ধি পোৱা বুলি মন্তব্য ছোনিয়া গান্ধীৰ।
বিজেপিক অহংকাৰী দল আখ্যা দিয়ে কংগ্ৰেছৰ প্ৰাক্তন অধ্যক্ষ ছোনিয়া গান্ধীয়ে। বিজেপিয়ে কেন্দ্ৰীয় তদন্তকাৰী সংস্থাসমূহক অপব্যৱহাৰ কৰাৰো অভিযোগ তোলে গান্ধীয়ে। বিজেপিয়ে ভয় আৰু ভাবুকিৰে নিৰ্বাচনী বৈতৰণী পাৰ হ’ব খুজিছে বুলি মন্তব্য কৰে ছোনিয়া গান্ধীয়ে।
জনসভাত ছোনিয়াৰ লগতে অংশ লয় ৰাহুল গান্ধী, কংগ্ৰেছ অধ্যক্ষ মল্লিকাৰ্জুন খৰ্গেয়ো। ইয়াৰ পূৰ্বে ছিক্কৰিত আন এক জনসভা সম্বোধন কৰিছিল ৰাহুল গান্ধীয়ে। য’ত শাসনাধিস্থিত বিজেপিক তীব্ৰ ভাষাৰে সমালোচনা কৰিছিল কংগ্ৰেছ নেতাগৰাকীয়ে। ৪০ শতাংশ কমিছনৰাজৰ প্ৰসংগৰে বিজেপিক তুলাধূনা দিছিল ৰাহুল গান্ধীৰ।
Continue Reading
