বিহাৰৰ উপ মুখ্যমন্ত্ৰী তেজস্বী যাদৱ এটি কন্যা সন্তানৰ পিতৃ হৈছে ।তেজস্বীৰ পত্নী ৰাজশ্ৰী যাদৱে আজি এটি কন্যা সন্তানৰ জন্ম দিয়ে৷ উপ মুখ্যমন্ত্ৰীগৰাকীয়ে টুইটাৰত নৱজাতকৰ সৈতে তেওঁৰ এখন ফটো শ্বেয়াৰ কৰি লিখিছে, 'ঈশ্বৰ সন্তুষ্ট হৈছে আৰু এজনী কন্যাৰ ৰূপত আমা

Listen to Article

2 min read

80%

ডিজিটেল ডে্স্কঃ বিহাৰৰ উপ মুখ্যমন্ত্ৰী তেজস্বী যাদৱ এটি কন্যা সন্তানৰ পিতৃ হৈছে ।তেজস্বীৰ পত্নী ৰাজশ্ৰী যাদৱে আজি এটি কন্যা সন্তানৰ জন্ম দিয়ে৷ উপ মুখ্যমন্ত্ৰীগৰাকীয়ে টুইটাৰত নৱজাতকৰ সৈতে তেওঁৰ এখন ফটো শ্বেয়াৰ কৰি লিখিছে, 'ঈশ্বৰ সন্তুষ্ট হৈছে আৰু এজনী কন্যাৰ ৰূপত আমালৈ এটা উপহাৰ প্ৰেৰণ কৰিছে৷'

যাদৱৰ ভগ্নী ৰোহিনী আচাৰ্যয়ো কয় যে তেওঁলোকৰ ঘৰলৈ 'ভগৱানৰ দূত'ৰ ৰূপত এজন নতুন অতিথি আহিছে৷ পিতৃ হোৱা তেজস্বীক আজি আম আদমী পাৰ্টিৰ (আপ) মুৰব্বী অৰবিন্দ কেজৰিৱালে তেজস্বী যাদৱক প্ৰথম অভিনন্দন জনায়।কেজৰিৱালে কয় 'মাতা ৰাণীৰ এই আশীৰ্বাদৰ বাবে আপোনাক আৰু আপোনাৰ সমগ্ৰ পৰিয়ালক বহুত অভিনন্দন জনাইছো ’’।

ৰাষ্ট্ৰীয় জনতা দলৰ (আৰজেডি) নেতাজনে তেওঁৰ দীৰ্ঘদিনীয়া বান্ধৱী ৰাচেল গডিনহোৰ সৈতে বিবাহপাশত আৱদ্ধ হৈছিল৷ ৰাচেল গডিনহোক এতিয়া সকলোৱে ৰাজেশ্বৰী যাদৱ বুলি জানে। হিন্দু ৰীতি-নীতি অনুসৰি ২০২১ চনৰ ডিচেম্বৰ মাহত তেওঁলোকৰ বিবাহ সম্পন্ন হৈছিল৷ ৰাজশ্ৰী আৰু তেজস্বীয়ে নতুন দিল্লীৰ আৰ কে পুৰমৰ ডিপিএছ বিদ্যালয়ত একেলগে অধ্যয়ন কৰিছিল।