ডিজিটেল ডেস্কঃ বিজ্ঞানত ঈশ্বৰৰ ব্যাখ্যা কি? এলবাৰ্ট আইনষ্টাইনে ঈশ্বৰক বিশ্বাস কৰিছিল নেকি? ১৯৫০ চনত ধৰ্ম শিক্ষয়িত্ৰী মাৰ্থা মংকে আইনষ্টাইনলৈ এখন চিঠি লিখিছিল। জানিব বিচাৰিছিল, আধুনিক পদাৰ্থ বিজ্ঞানৰ পিতৃয়ে ঈশ্বৰক বিশ্বাস কৰে নে? ঈশ্বৰ বা কোনো পৰম শক্তিয়ে এই জগতখন সৃষ্টি কৰিছিল বুলি তেওঁ ভাবেনে?
আইনষ্টাইনে মাৰ্থাক প্ৰত্যুত্তৰ দিলে। তেওঁ লিখা চিঠিখন এতিয়া আমেৰিকাৰ স্বাক্ষৰ সংগ্ৰহকাৰী সংস্থা ‘দ্য ৰেব কলেকচন’ই নিলাম কৰিছে। ১ লাখ ২৫ হাজাৰ টকাৰ পৰা আৰম্ভ হ’ব এই নিলাম। যিটো ভাৰতীয় মুদ্ৰাত ১.০২ কোটি।
আইনষ্টাইনৰ চিঠিখন ইমান দিনে মাৰ্থাৰ উত্তৰাধিকাৰী এজনে সযতনে ৰাখিছিল। মাৰ্থাৰ প্ৰশ্নৰ উত্তৰত আইনষ্টাইনে লিখিছে: ''মই ভাবো মোটামুটি বৈজ্ঞানিক মনোভাৱৰ ব্যক্তিৰ বাবে বিশ্বব্ৰহ্মাণ্ড সৃষ্টিৰ আঁৰৰ ধৰ্মীয় ব্যাখ্যা যুক্তিসংগত নহয়। কাৰণ তেওঁ বিজ্ঞানৰ যুক্তি সকলোতে বিচাৰে।''
উল্লেখ্য যে ১৯৩৩ চনত জাৰ্মানীত এডলফ হিটলাৰ ক্ষমতালৈ অহাৰ পিছত আইনষ্টাইন আমেৰিকালৈ যায়। জাৰ্মানী এৰি যোৱাৰ পিছত তেওঁ বেলজিয়ামত প্ৰথমে থাকে। ইয়াৰ পিছত ছয় সপ্তাহ ব্ৰিটেইনত থাকে। অৱশেষত আমেৰিকালৈ যায় বিজ্ঞানীজন।
Continue Reading
