কৃষকৰ দুহিতাৰ আইএএছ হোৱাৰ বিৰল কাহিনী...

ডিজিটেল ডেস্ক : এগৰাকী কৃষকৰ কন্যাই কেন্দ্ৰীয় লোকসেৱা আয়োগত সফলতা অৰ্জন কৰি কঢ়িয়াই আনিলে গৌৰৱ৷ আত্মবিশ্বাস, একাগ্ৰতা আৰু অধ্যয়নৰ বাবেই কৃষক কন্যা তপস্যা পৰিহাৰে কঢ়িয়াই আনিবলৈ সক্ষম হয় এই সফলতা৷ কোনোধৰণৰ ক’চিঙৰ সহায় নোহোৱাকৈ কেন্দ্ৰীয় লোকসেৱাৰ দ্বাৰা আয়োজিত ভাৰতীয় প্ৰশাসনিক সেৱাৰ পৰীক্ষাত সুখ্যাতিৰে উৰ্ত্তীণ হোৱাৰ পাছতেই প্ৰশংসা বুটলিবলৈ সক্ষম হয় তপস্যাই৷ বিলাসী জীৱনৰ পৰিৱৰ্তে কৃষক কন্যা তপস্যাই অতিবাহিত কৰিছিল অতি সাধাৰণ জীৱনশৈলী৷

কেন্দ্ৰীয় বিদ্যালয়ৰ পৰা অধ্যায়ন কৰিছিল সমাপ্ত কৰিছিল স্কুলীয়া শিক্ষা৷ তাৰ পাছত পুনেৰ ইণ্ডিয়ান ল ছ’চাইটীৰ ল কলেজত আইনৰ শিক্ষাগ্ৰহণ কৰিছিল৷ প্ৰথমবাৰ কেন্দ্ৰীয় লোকসেৱা আয়োগৰ পৰীক্ষাত বিমুখ হৈছিল তপস্যা৷ কিন্তু তেওঁৰ সংকল্প আছিল সুদৃঢ়৷ কেতিশাও হাৰ নমানৰ প্ৰতিশ্ৰুতিৰে আগবাঢ়ি গৈছিল মেধাৱী ছাত্ৰীগীৰাকী৷ বেছিভাগ শিক্ষাৰ্থীয়ে ইউপিএছচি পৰীক্ষাৰ বাবে প্ৰস্তুতি কৰিবলৈ প্ৰশিক্ষণৰ আশ্ৰয় লৈছে৷

যি হৈছে দেশৰ আটাইতকৈ কঠিন পৰীক্ষাবোৰৰ ভিতৰত এটা, আৰু তথাপি তেওঁলোকৰ ভিতৰত সফলতা অৰ্জন কৰিবলৈ সক্ষম হোৱাৰ সংখ্যা নিচেই তাকৰ। কিন্তু ক’চিঙৰ অবিহনেই মধ্য প্ৰদেশৰ নৰসিংহপুৰৰ তপস্যা পৰিহাৰ সকলোকে আচম্বিত কৰি পৰীক্ষাত সুখ্যাতিৰে উত্তীৰ্ণ হ’বলৈ সক্ষম হয়৷ তেওঁৰ আত্মবিশ্বাস, একাগ্ৰতা আৰু অধ্যয়নে সকলো সম্ভৱ কৰি তুলিলে৷ ফলত সৰ্বভাৰতীয়ত ২৩সংখ্যক স্থান লাভ কৰি এজন আইএএছ বিষয়া হিচাপে নিযুক্তি লাভ কৰে।