ডিজিটেল ডেস্কঃ পাকিস্তানৰ প্ৰাক্তন প্ৰধানমন্ত্ৰী ইমৰাণ খানৰ সন্মুখত জোৰেৰে কথা কোৱাৰ বাবে চোৰাংচোৱা সংস্থাৰ মুৰব্বীক শৌচালয়ত বন্দী কৰি থৈছিল ইমৰাণ খানে। শেহতীয়া এক প্ৰতিবেদনত এই তথ্য পোহৰলৈ আহিছে।জিঅ' টিভিৰ এক প্ৰতিবেদন অনুসৰি শেহতীয়াকৈ এজন হেকাৰে পাকিস্তানৰ প্ৰাক্তন প্ৰধানমন্ত্ৰী ইমৰান খান আৰু চোৰাংচোৱা প্ৰধান মেমনৰ মাজত হোৱা বৈঠকৰ বিষয়ে কিছু তথ্য প্ৰকাশ কৰিছে।
যোৱা কেইদিনমানৰ পৰা পাকিস্তানক কেইবাটাও অডিঅ' ক্লিপ পোহৰলৈ অহাৰ কথাই ইমৰাণ খানৰ ভাৱমূৰ্তি ম্লান কৰি পেলাইছে। শেহতীয়াকৈ এটা অডিঅ' ক্লিপত প্ৰধানমন্ত্ৰীৰ সন্মুখত জোৰেৰে কথা কোৱাৰ বাবে পাকিস্তানৰ ফেডাৰেল ইনভেষ্টিগেচন এজেন্সিৰ (এফআইএ) প্ৰাক্তন সঞ্চালক প্ৰধানক শৌচালয়ত আটক কৰাৰ কথা প্ৰকাশ পাইছে। এফ.আই.এ.-ৰ প্ৰাক্তন সঞ্চালক প্ৰধান বছিৰ মেমনে এইখতা স্বীকাৰো কৰিছে বুলি পাকিস্তানী সংবাদ মাধ্যমে দাবী কৰিছে।
মেমনে বৈঠকত কৈছে যে তেওঁ পাকিস্তান মুছলিম লীগৰ (নৱাজ) নেতা মৰিয়ম নাৱাজক চলোৱা নিৰ্যাতনৰ বিষয়ে ইমৰানৰ সন্মুখত অলপ জোৰেৰে কথা পাতিছিল।
ইয়াৰ পিছত প্ৰধানমন্ত্ৰীৰ তদানীন্তন প্ৰধান সচিব আজম খানে তেওঁক টানি নি শৌচালয়ত বন্দী কৰি ৰাখে। শৌচাগাৰৰ ভিতৰতে তেওঁ বহু সময় ধৰি বন্দী হৈ থাকিবলগীয়া হৈছিল বুলি সংবাদমাধ্যমে প্ৰকাশ কৰিছে। ইমৰাণ খানৰ এনে মানসিকতাই এতিয়া দেশখনত প্ৰতিক্ৰিয়াৰ সৃষ্টি কৰিছে।
Continue Reading
