ডিজিটেল ডেস্কঃ তেওঁ ভাৰতৰ অন্যতম শ্ৰেষ্ঠ অধিনায়ক। পৰিসংখ্যাইও তেওঁৰ হৈ কথা কয়। দুটা বিশ্বকাপ, এটা চেম্পিয়নছ ট্ৰফী জয় লাভ। টেষ্টত ভাৰতক এক নম্বৰ স্থান দখল কৰে। তেওঁৰ শীতল মূৰটো তেওঁৰ সফলতাৰ অন্যতম কাৰণ। বৰ্তমানৰ অধিনায়কসকলক আই পি এলৰ পূৰ্বে সফলতাৰ বাট জনালে মহেন্দ্ৰ সিং ধোনীয়ে।
মুম্বাইত অনুষ্ঠিত এক অনুষ্ঠানত ধোণীয়ে কয়, “সমীহ আৰু বিশ্বাস শব্দ দুটাৰ মাজত এক সংযোগ আছে। ড্ৰেছিং ৰুমৰ কথা আহিলে, যদিহে সহায়ক কৰ্মচাৰী আৰু খেলুৱৈয়ে আপোনাক বিশ্বাস নকৰে, তেন্তে আপুনি তেওঁলোকৰ আস্থা লাভ নকৰে। আপুনি কি কয় আৰু কি কৰে তাৰ ওপৰত বহু কথা নিৰ্ভৰ কৰে। আপোনাৰ আচৰণেই মানুহৰ সন্মান অৰ্জন কৰিছে।”
ধোনীয়ে অনুভৱ কৰে যে এজন সফল নেতাৰ বাবে কথাতকৈ কৰ্মহে বেছি গুৰুত্বপূৰ্ণ। ধোণীয়ে বুজাই দিলে, ‘মই সদায় অনুভৱ কৰি আহিছো যে এজন নেতা হিচাপে নম্ৰ হোৱাটো গুৰুত্বপূৰ্ণ। আপুনি কি পদত আছে তাৰ ওপৰত নিৰ্ভৰ নকৰে। কেতিয়াবা মানুহে নিৰাপত্তাহীনতাত ভুগিবলগীয়া হয়। যদিও দলটোৱে তেওঁক বিশ্বাস কৰে, তথাপিও তেওঁ নিজকে বিশ্বাস নকৰে। কাৰোবাৰ অনুমোদন জোৰকৈ ল'বলৈ চেষ্টা কৰে। স্বাভাৱিকতে আহে। এবাৰ সেই বিশ্বাস হ’লেই প্ৰদৰ্শনে প্ৰমাণ কৰিব।"
ধোনীয়ে অনুভৱ কৰে যে ড্ৰেছিং ৰুমৰ প্ৰতিজন খেলুৱৈক নেতা হিচাপে বুজাটো অতি প্ৰয়োজনীয়। ক’লে, “কিছুমানে হেঁচা ভাল পায়, কিছুমানে নাপায়। কাৰ কি শক্তি আৰু দুৰ্বলতা আছে সেয়া বুজি পোৱাটো গুৰুত্বপূৰ্ণ। তেতিয়া সেই খেলুৱৈজনৰ দুৰ্বলতা তেওঁলোকক নোকোৱাকৈ শুধৰাই দিব পাৰিব। ইয়াৰ ফলত খেলুৱৈগৰাকীয়ে আত্মবিশ্বাস লাভ কৰিব আৰু আত্মসন্দেহ দূৰ কৰিব।”
Continue Reading
