ক'ভিডৰ অন্য প্ৰকাৰতকৈ অলপ পৃথক অ'মিক্ৰনৰ লক্ষণসমূহ! জানি লওক

ডিজিটেল ডেস্ক: বিশ্বজুৰি আকৌ বৃদ্ধি পাইছে ক’ভিডৰ সংক্ৰমণ৷ যাৰবাবে কঠোৰ প্ৰতিবন্ধকতা লগোৱাৰ সময় আহি আছে। জানিব পৰা মতে, তৃতীয় ঢৌ দ্বিতীয় ঢৌতকৈ ভাৰত বেছি সংক্ৰমণ হোৱাৰ আশংকা কৰা হৈছে। দক্ষিণ আফ্ৰিকাত অ’মিক্ৰনৰ প্ৰথমজন ৰোগীক চিনাক্ত কৰা হৈছিল। আনহাতে ভাৰততো সংক্ৰমিত হৈছে অ’মিক্ৰন। ইতিমধ্যে ১৭০০জনৰ দেহত ধৰা পৰিছে মাৰাত্মক ভাইৰাছবিধ৷ চিকিৎসাবিজ্ঞানৰ মতে, অ’মিক্ৰনৰ প্ৰভাৱ সামান্য৷ যদিও ইয়াক সম্পূৰ্ণৰূপে অৱজ্ঞা কৰিব নোৱাৰি৷

অ’মিক্ৰন লাহে লাহে সমগ্ৰ বিশ্বতেই সংক্ৰমিত হৈ আছে৷ দ্ৰুতগতিত অ’মিক্ৰন বাঢ়িলে আকৌ লকডাউনৰ কৱলত পৰিব সমগ্ৰ বিশ্ব। সেয়েহে ক’ভিডৰ টিকাকৰণ কৰাটো আটাইতকৈ গুৰুত্বপূৰ্ণ৷ গতিকে মাস্ক পৰিধান কৰা, সামাজিক দূৰত্ব আৰু ছেনিটাইজেশ্যন পদ্ধতি অনুসৰণ কৰিব লাগিব। নতুন বৰ্ষটো এইসমূহ ক’ভিড প্ৰট’ক’ল মানি চলিলেহে কৰ’না সংক্ৰমণ হ্ৰাস হ’ব৷

অ’মিক্ৰনৰ লক্ষণসমূহ এনেধৰণৰ-

• মৃদু জ্বৰ
• ডিঙিৰ বিষ
• ঠাণ্ডা ভাব
• হাঁচি
• শৰীৰত অসহনীয় বিষ
• ভাগৰ লগা
• ৰাতি শুই থাকোঁতে ঘাম ওলোৱা
• বমি আৰু ওকালি অহা
• খোৱাৰ মন নোহোৱা
• ছালৰ সংক্ৰমণ ইত্যাদি

অৱশ্যে, যদি সংক্ৰমণকে ধৰি বাকী লক্ষণসমূহ ছালত দেখা দিয়ে, ই ক’ভিড ১৯ৰ লক্ষণ নহ’বও পাৰে। অৱশ্যে সন্দেহ থাকিলে প্ৰথমে ক’ভিড পৰীক্ষা কৰা উচিত। যদি ক’ভিড পৰীক্ষা কৰোতে পজিটিভ বুলি ধৰা পৰে, তেন্তে নিজকে আনৰ পৰা পৃথককৈ ৰাখক। আৰু পজিটিভ বুলি ধৰা পৰিলে অত্যধিক মাত্ৰাত টোপনি যাবলৈ চেষ্টা কৰক৷ লগতে খাদ্য নিয়মিতভাৱে গ্ৰহণ কৰক৷ আৰু অধিক প্ৰটিনযুক্ত খাদ্য গ্ৰহণ কৰক৷ যিয়ে আপোনাৰ ৰোগ প্ৰতিৰোধ ক্ষমতা বৃদ্ধি কৰিব পাৰে।