--°C
Loading...
Listen to Article
2 min read
80%
ডিজিটেল ডেস্কঃ লাডাখত ভাৰতীয় জনতা পাৰ্টিৰ উপ-সভাপতি নাজিৰ আহমেদৰ পুত্ৰই পলুৱাই বৌদ্ধ যুৱতীক বিয়া কৰোৱাক লৈ উত্তপ্ত ৰাজনীতি। এই ঘটনাৰ লগত তেওঁ জড়িত নে নহয় সেই কথা স্পষ্ট কৰিবলৈও তেওঁক দলৰ ফালৰ পৰা সময় দিয়া হয়। এই ঘটনাক সাম্প্ৰদায়িক সম্প্ৰীতি আৰু ঐক্যৰ প্ৰতি ভাবুকি বুলি অভিহিত কৰি বিজেপিয়ে নাজিৰক ৰাজ্যিক উপ-সভাপতিৰ দায়িত্বৰ পৰা মুক্ত কৰি দলৰ সদস্যপদ বাতিল কৰে।

নাজিৰ আহমেদৰ পুত্ৰ মনজুৰ আহমেদে এগৰাকী বৌদ্ধ যুৱতীক অপহৰণ কৰি এমাহ পূৰ্বে আদালতত বিয়া কৰাইছিল। দলটোৱে কয় যে নাজিৰকো এই ঘটনাৰ লগত জড়িত থকা-নথকাৰ কথা বুজাবলৈ সুযোগ দিয়া হৈছিল। ইয়াৰ পাছত দলে তেওঁৰ পৰা সকলো দায়িত্ব ঘূৰাই লোৱাৰ লগতে দলৰ সদস্যপদ বাতিল কৰাৰ সিদ্ধান্ত লয়।

এই সন্দৰ্ভত বিজেপিয়ে জাননী জাৰি কৰি কয় যে, "ৰাজ্যিক সভাপতি আৰু দলৰ সদস্যৰ মাজত অনুষ্ঠিত এখন বৈঠকত সিদ্ধান্ত লোৱা হৈছিল যে উপ-সভাপতি নাজিৰ আহমেদক অপহৰণ আৰু বিবাহৰ লগত জড়িত থকাৰ কথা বুজাবলৈ পৰ্যাপ্ত সময় দিয়া উচিত।তাৰ পিছত উপ-সভাপতিৰ দায়িত্ব তেওঁৰ পৰা ঘূৰাই লোৱা হয় আৰু দলৰ প্ৰাথমিক সদস্যপদো বাতিল কৰা হয়। ইয়াত কোৱা হৈছে যে এই ঘটনা লাডাখৰ সকলো ধৰ্মীয় সম্প্ৰদায়ৰ বাবে গ্ৰহণযোগ্য নহয় কাৰণ ইয়াৰ ফলত সাম্প্ৰদায়িক সম্প্ৰীতি আৰু ঐক্য বিপন্ন হৈ পৰে।"

দলৰ পৰা বৰ্খাস্ত হোৱাৰ পিছত নাজিৰ আহমেদে কয় যে তেওঁ আৰু তেওঁৰ পৰিয়াল নিজেই এই বিবাহৰ বিৰোধী আছিল। এমাহ ধৰি পুত্ৰ আৰু বৌদ্ধ যুৱতীগৰাকী ক'ত আছে সেয়া নাজানে। আহমেদে কয় যে দুয়োকে বিচাৰি উলিয়াবলৈ তেওঁলোকৰ সন্ধান উলিয়াবলৈ চেষ্টা কৰা হৈছিল। তেওঁ কয় যে যেতিয়া তেওঁ ছৌদি আৰবলৈ হজৰ বাবে গৈছিল, একে সময়তে তেওঁৰ পুত্ৰই বৌদ্ধ মহিলাৰ সৈতে আদালতত বিবাহ পাশত হৈছিল।






FOLLOW US F
POPULAR
FEATURE
TRENDY
বিদায় বৎসলা! এছিয়াৰ আটাইতকৈ বয়সীয়াল হাতী বৎসলা আৰু নাই
ৰাজনীতিত ভৰি দি বৃহৎ লোকচানৰ সন্মুখীন ইলন মাস্ক
সন্ত্ৰাসবাদীক লৈ পাকিস্তানৰ মুখা খুলিলে মুম্বাই আক্ৰমণৰ মাষ্টাৰমাইণ্ড তাহাউৰ ৰানাই
দালাই লামাক ভাৰত ৰত্ন প্ৰদানৰ দাবী ৮০ সাংসদৰ
বহুদিন ধৰি কঁপি আছিল!  গুজৰাটৰ শোকাৱহ দলং দুৰ্ঘটনা অৱহেলাৰে ফল নেকি?
ভাৰত আৰু ইংলেণ্ডৰ মাজৰ তৃতীয় টেষ্টত খেলিব বুমৰাহে
কঁঠাল খাওক, লাভ কৰিব আচৰিত উপকাৰিতা
ৰাজা ৰঘুবংশীৰ ভগ্নীৰ বিৰুদ্ধে গুৱাহাটী আৰক্ষীৰ গোচৰ ৰুজু
আমৃখোৱাত বিহ দি কপৌ নিধন কৰা কৃষকক জে'ললৈ
সৰ্পবান্ধৱ সৌৰভ বৰকটকীৰ উদ্যোগত ৰাজ্যজুৰি বহু ঔষধি গুণৰ নাগচম্পাৰ পুলি ৰোপণৰ অভিযান
অস্তিত্বৰ গৰাহত জোনাইৰ কবু চাপৰি বন ঘৰচীয়া ঘোঁৰা
জুন মাহত জিলাভেদে ৭৭% পৰ্যন্ত কম বৰষুণ, খৰাঙৰ আশংকা
হাত নথকাকৈ জন্ম হ’ল শিশু কন্যা, শিশুটিক চাবলৈ হাস্পতালত মানুহৰ ভিৰ
বার্মিংহামত লং জাম্পত সোণ জয় ৰিম্পী বুঢ়াগোহাঁইৰ