পুনৰ কাৰ্যকৰী হ’ব পাৰে পুৰণি পেঞ্চন ব্যৱস্থা; বৈঠকৰ আহ্বান প্ৰধানমন্ত্ৰীৰ

কেন্দ্রীয় চৰকাৰৰ কর্মচাৰী মন্ত্র্যালয়ৰ ৰাষ্ট্রীয় পর্যায়ৰ যুটীয়া পৰামর্শমূলক ব্যৱস্থা(জে.চি.এম)ত প্ৰথবাৰৰ বাবে প্ৰধানমন্ত্ৰী মোদী চৰকাৰে কেন্দ্রীয় চৰকাৰ কৰ্মচাৰী আৰু কর্মচাৰী প্রতিনিধিক সাক্ষাৎ কৰিব৷ শনিবাৰে প্ৰধানমন্ত্ৰীৰ চৰকাৰী বাসগৃহত নৰেন্দ্ৰ মোদীয়ে ষ্টাফ চাইড নেচনেল কাউন্সিলৰ প্ৰতিনিধিৰ সৈতে বৈঠকত মিলিত হ’ব। উল্লেখযোগ্য যে এই বৈঠকৰ পূৰ্বে জেচিএমৰ সদস্যসকলৰ মাজত স্পষ্টৰূপত বিৰোধাভাৱ পৰিলক্ষিত হৈছে। প্ৰধানমন্ত্ৰীৰ এই বৈঠক বৰ্জন কৰিছে বৃহত্তম কৰ্মচাৰী সংগঠন অল ইণ্ডিয়া ডিফেন্স এম্প্লয়িজ ফেডাৰেশ্যনে।সংগঠনটোৰ   বিষয়াসকলে অ’পিএছৰ বাদে অন্য আঁচনি গ্ৰহণ নকৰে বুলি মত প্ৰকাশ কৰিছে। পুৰণি পেঞ্চন আঁচনিখন কেন্দ্ৰীয় চৰকাৰৰ বিবেচনাধীন নহয় বুলি কেন্দ্ৰীয় চৰকাৰে সংসদত সদৰি কৰিছে। বাজেট দাখিল কৰাৰ সময়তো অ’পিএছ সন্দৰ্ভত কোনো মন্তব্য প্ৰদান কৰা নাছিল বিত্তমন্ত্ৰী নিৰ্মলা সীতাৰমণে। প্ৰধানমন্ত্ৰীৰ বৈঠকৰ পূৰ্বে, কোনো কাৰণতে এন পি এছৰ সংশোধনী গ্ৰহণ নকৰে বুলি স্পষ্ট ভৱে সদৰি কৰিছে কেন্দ্ৰীয় চৰকাৰৰ কৰ্মচাৰী আৰু শ্ৰমিক কনফেডাৰেচন’ৰ সাধাৰণ সম্পাদক এছ বি যাদৱে।

 

উল্লেখযোগ্য যে বিৰোধী দলে কেইবা বাৰো নিৰ্বাচনী ইস্তাহাৰত কৰ্মচাৰী সকলক পুৰণি পেঞ্চন আঁচনি বাহাল ৰখাৰ প্ৰতিশ্ৰুতি প্ৰদান কৰি আহিছে। এতিয়া কেন্দ্ৰ চৰকাৰে পুনৰ পুৰণি পেঞ্চন আঁচনি কাৰ্যকৰী কৰিলে নিশ্চিত ৰূপে শাসকীয় দল বিজেপিৰ নিৰ্বাচনী ইস্তাহাৰত স্থান লাভ কৰিব। অৱশ্যে কেন্দ্ৰ চৰকাৰে পুৰণি পেঞ্চন আঁচনি কাৰ্যকৰী কৰে নে এন পি এছৰ সংশোধনী ঘটাই সেয়া লক্ষণীয় হ’ব৷