ডিজিটেল ডেস্কঃ লিভাৰ হৈছে শৰীৰৰ এটা অতি গুৰুত্বপূৰ্ণ অংগ। বিপাকীয় ক্ৰিয়া, হজম, বিষমুক্তকৰণৰ পৰা আৰম্ভ কৰি প্ৰয়োজনীয় পুষ্টিকৰ উপাদানসমূহ সংৰক্ষণ কৰালৈকে যকৃতে দেহৰ বিভিন্ন কাম কৰে। তদুপৰি লিভাৰে অহৰহ গুৰুত্বপূৰ্ণ হৰম’ন আৰু এনজাইম তৈয়াৰ কৰি তেজ ফিল্টাৰ কৰি ৰাখে আৰু গ্লুক’জৰ মাত্ৰা নিয়ন্ত্ৰণ কৰে। লিভাৰ কেনেকৈ ক্ষতিগ্ৰস্ত হয়? সাধাৰণতে মদ্যপান, অস্বাস্থ্যকৰ খাদ্য খোৱাৰ ফলত আৰু ডায়েবেটিছ, হেপাটাইটিছ বি আৰু চি আদি কাৰণত যকৃত বা লিভাৰৰ ক্ষতি বা দুৰ্বল হ’বলৈ আৰম্ভ কৰে।
লিভাৰ অসুস্থ হ'লে দুৰ্বলতা, ভোক নলগা, বমি, নিদ্ৰাহীনতা, গোটেই দিনটো ভাগৰুৱা অনুভৱ হয়। ইয়াৰ লগতে লিভাৰ ফুলি উঠাৰ লগতে দ্ৰুত ওজন কমি যোৱা আদি সমস্যা আৰম্ভ হয়। যদিও যকৃতৰ ক্ষতি নিয়ন্ত্ৰণৰ বাবে বহুতো ঔষধ উপলব্ধ, কিন্তু কিছুমান সহজ পদ্ধতি ঘৰতে চেষ্টা কৰি লিভাৰক সুস্থ কৰি ৰাখিব পাৰি।
১) নহৰুঃ নহৰুৱে লিভাৰ ৰক্ষা কৰাৰ কাম কৰে। নহৰুত থকা S-allylmer captocysteine যৌগ অ-এলকহলযুক্ত ফেটি লিভাৰৰ চিকিৎসাত সহায়ক হ’ব পাৰে। ইয়াৰ লগতে ই লিভাৰক যিকোনো ধৰণৰ আঘাতৰ পৰা ৰক্ষা কৰে বুলিও জনা যায়। ইয়াৰ উপৰিও নহৰুৰ তেলত প্ৰচুৰ পৰিমাণে এণ্টিঅক্সিডেণ্ট থাকে, যিয়ে লিভাৰৰ প্ৰদাহ হ্ৰাস কৰাত সহায় কৰে।
২) ত্ৰিফলাঃ আমলখি, শিলিখা আৰু ভোমোৰা সমান পৰিমাণে মিহলাই ত্ৰিফলা প্ৰস্তুত কৰা হয়। প্ৰধানকৈ কোষ্ঠকাঠিন্যৰ পৰা উপশম পাবলৈ ব্যৱহাৰ কৰা ত্ৰিফলাই লিভাৰৰ সঠিক কাম-কাজতো সহায় কৰে। লিভাৰৰ সুস্বাস্থ্যৰ বাবে ত্ৰিফলা খোৱা উচিত।
৩) হালধিঃ ভাৰতীয় পাকঘৰৰ এটা অপৰিহাৰ্য অংশ হৈছে হালধি। ইয়াৰ এণ্টি-ইনফ্লেমেটৰী প্ৰভাৱে লিভাৰ সুস্থ হৈ থকাত সহায় কৰে। ইয়াৰ উপৰিও ই এক শক্তিশালী এণ্টিঅক্সিডেণ্ট যিয়ে লিভাৰৰ কোষক বিষমুক্ত কৰে। কেৱল এয়াই নহয়, হালধিত থকা হেপাটোপ্ৰটেক্টিভ গুণেও লিভাৰ দুৰ্বল হোৱাৰ সম্ভাৱনা হ্ৰাস কৰাত সহায় কৰে।
8) ভূঁই আমলখিঃ লিভাৰৰ লগত জড়িত সকলো বিকাৰৰ বাবে ভূঁই আমলখিক সৰ্বোচ্চ ঔষধ হিচাপে গণ্য কৰা হয়। হেপাটোমেগালি আৰু লিভাৰৰ গুৰুতৰ চিৰ’ছিছৰ অৱস্থাত ইয়াক প্ৰায়ে ব্যৱহাৰ কৰা হয়। এই উদ্ভিদবিধ নিয়মীয়াকৈ সঠিক নিৰ্দেশনাৰে সেৱন কৰিলে লিভাৰক অধিক সমস্যাৰ পৰা ৰক্ষা কৰাৰ এক ফলপ্ৰসূ উপায় হিচাপে ব্যৱহাৰ কৰিব পাৰি।
৫) অশ্বগন্ধাঃ অশ্বগন্ধা হৈছে এক শক্তিশালী আয়ুৰ্বেদিক বনৌষধি যিয়ে লিভাৰৰ ভাৰসাম্যতা ঘূৰাই অনাত সহায় কৰে। ই লিভাৰৰ কোষত চাপ আৰু বিকিৰণৰ প্ৰভাৱ কমোৱাত সহায় কৰে আৰু ইয়াৰ পৰা হোৱা ক্ষতি ৰোধ কৰে। ই পাচনতন্ত্ৰৰ উন্নত কাৰ্য্যক্ষমতাত সহায় কৰে আৰু লগতে পিত্ত আৰু আনুষংগিক এনজাইমৰ প্ৰাকৃতিক উৎপাদন বৃদ্ধি কৰাত সহায় কৰে। এই বনৌষধিৰ উপকাৰিতা উপভোগ কৰিবলৈ অশ্বগন্ধা গুড়ি বা অশ্বগন্ধদী লেহম সেৱন কৰিব পাৰে।
Continue Reading
