ডিজিটেল ডেস্কঃ প্ৰেম এনেকুৱাও হ'ব নালাগে যে সমাজ লজ্জানত হ'ব লগা হয়। এক লজ্জাজনক প্ৰেম কাহিনী শুনি সকলোৱে ইচ ইচ আচ আচ কৰিছে। এই প্ৰেম কাহিনী ঘটিছে শাহুৱেক আৰু জোঁৱাইৰ মাজত। জোঁৱায়েকে শাহুৱেকক নিজৰ কৰি পাবলৈ পলুৱাই নিয়ে। শহুৰেকক মদ খুৱাই শাহুৱেকক পলুৱাই লৈ যায় জোঁৱায়েকে।
ৰাজস্থানৰ ছিৰোহী জিলাত ঘটিছে এই অদ্ভুত ঘটনা। চাৰিটা সন্তানৰ মাতৃগৰাকী ২৭ বছৰীয়া জোঁৱাইৰ সৈতে পলায়ন কৰে। ৰমেশ যোগী নামৰ এজন ব্যক্তিয়ে ৰাজস্থানৰ ছিৰোহীৰ আনদৰা থানা অঞ্চলৰ নাৰায়াণ স্বামী নামৰ এজন যুৱকলৈ বিয়া দিয়ে নিজৰ কন্যাক। তেতিয়াৰ পৰাই নাৰায়ণ স্বামীৰ শহুৰেকৰ ঘৰলৈ অহা যোৱা চলি থাকে।
এই অহা-যোৱাবোৰৰ মাজতে নাৰায়ণৰ শাহুৱেকৰ লগত গোপনে প্ৰেমৰ সম্পৰ্ক গঢ় লৈ উঠে। সকলোৰে চকুত ধূলি দি জোঁৱাই আৰু শাহুৱেকে প্ৰেম চলাই নিয়ে।
যোৱা ৩০ ডিচেম্বৰত পুনৰ শহুৰেকৰ ঘৰলৈ ফুৰিবলৈ আহে নাৰায়ণ। নতুন বছৰক আদৰাৰ আনন্দত জোঁৱাই আৰু শহুৰেকে মিলি সুৰাপান কৰে। নিজে কম মদ খাই শহুৰেকক ডিঙিলৈকে মদ খুৱায় জোঁৱাই নাৰায়ণে। সুৰাৰ নিচাত একো ক'ব নোৱাৰা হৈ শুই পৰে শহুৰেক। সেই সুযোগতেই জোঁৱাই নাৰায়ণে পলুৱাই লৈ যায় শাহুৱেকক।
নিচা ফটাৰ পাছত সাৰ পাই ৰমেশে দেখে যে জোঁৱাই নাৰায়ণ আৰু তেওঁৰ পত্নী ঘৰৰ পৰা নিৰুদ্দেশ হৈছে। ৰমেশে দুয়োকে ইফালে সিফালে বিচাৰিবলৈ ধৰে। পাছত তেওঁ গম পায় যে তেওঁৰ পত্নী জোঁৱাইৰ সৈতে পলাইহে গৈছে।
পত্নীক প্ৰলোভন দি পলুৱাই লৈ যোৱা বুলি জোঁৱাই নাৰায়ণৰ বিৰুদ্ধে থানাত এজাহাৰ দাখিল কৰিছে ৰমেশ যোগীয়ে। ৰমেশৰ এজাহাৰ সন্দৰ্ভত আৰক্ষীয়ে গোচৰ ৰুজু কৰি তদন্ত আৰম্ভ কৰিছে।
Continue Reading
