ডিজিটেল ডেস্কঃ বৰ্তমান চৰ্চাত পৰিনীতি চোপ্ৰা আৰু ৰাঘৱ চাদ্ধাৰ বিবাহৰ প্ৰসংগ। এংগেজমেণ্ট হোৱাৰ পাছৰে পৰা তেওঁলোকৰ বিবাহ সম্পৰ্কীয় শিৰোনামসমূহ সংবাদ মাধ্যমত তীব্ৰতৰ হৈ পৰিছে। প্ৰায়ে এই ভাবী দম্পতীহালক একেলগে দেখা গৈছে। যোৱা কিছুদিন ধৰি তেওঁলোকৰ বিয়াৰ তাৰিখ চূড়ান্ত হোৱাৰ খবৰ আহিছে,আৰু সেই চৰ্চাৰ মাজতে এতিয়া পৰিনীতি আৰু ৰাঘৱৰ বিয়াৰ কাৰ্ড প্ৰকাশ পাইছে।
ছচিয়েল মিডিয়াত ভাইৰেল হৈ পৰিছে পৰিনীতি চোপ্ৰা আৰু ৰাঘৱ চাদ্ধাৰ বিবাহৰ কাৰ্ড। এই কাৰ্ডখনত লিখা আছে - 'আশীৰ্বাদেৰে পি এন চাদ্ধা,বিমলা চাদ্ধা আৰু শ্ৰীমতী উষা আৰু এইচ.এছ সচদেৱ, অলকা আৰু সুনীল চাদ্ধাই আপোনাক তেওঁলোকৰ পুত্ৰ ৰাঘৱ আৰু পৰিনীতিৰ বিবাহ অভ্যৰ্থনাত দুপৰীয়াৰ আহাৰ গ্ৰহণৰ বাবে নিমন্ত্ৰণ জনাইছে।' কাৰ্ডত অভ্যৰ্থনাৰ তাৰিখ ৩০ ছেপ্টেম্বৰ বুলি লিখাৰ বিপৰীতে সভাস্থলী তাজ, চণ্ডীগড় বুলি উল্লেখ আছে।
উল্লেখযোগ্য যে এই কাৰ্ড ভাইৰেল হোৱা সন্দৰ্ভত এতিয়ালৈকে পৰিনীতি চোপ্ৰা বা ৰাঘৱ চাদ্ধাই কোনো আনুষ্ঠানিক নিশ্চিতি দিয়া নাই। একে সময়তে ৰাজস্থানত এই দম্পতীয়ে বিবাহপাশত আবদ্ধ হ’ব বুলিও খবৰ আহিছে। ২৩ আৰু ২৪ ছেপ্টেম্বৰত পঞ্জাবী ৰীতি-নীতিৰে বিবাহপাশত আবদ্ধ হ’ব ৰাঘৱ আৰু পৰিনীতি।
১৩ মে’ত দুয়োৰে বাগদান সম্পন্ন হয়। নতুন দিল্লীৰ কাপুৰথালা হাউচত তেওঁলোকৰ এংগেজমেণ্টৰ আয়োজন কৰা হৈছিল। ইয়াৰ পাছত ৰাঘৱ আৰু পৰিনীতিক উদয়পুৰৰ বিয়াৰ স্থান ভ্ৰমণ কৰা দেখা গ’ল। ইয়াৰ বাহিৰেও বিমানবন্দৰত প্ৰায়ে দেখা পোৱা গৈছিল ৰাঘৱ আৰু পৰিনীতিক।এতিয়া এই বিষয়ক লৈ অনুৰাগীৰ মাজত যথেষ্ট উৎসাহ আৰু উদ্দীপনা দেখা গৈছে ৷
Continue Reading
