ডিজিটেল ডেস্কঃ বাইচুং ভূটীয়া, সুনীল ছেত্ৰী, গুৰপ্ৰীত সিং সন্ধু, সন্দেশ জিংঘন, সুব্ৰত পালৰ পথ অনুসৰণ কৰি এইবাৰ আন এজন ভাৰতীয়ই বিদেশৰ ক্লাব ফুটবলত নিজৰ নাম উজলাবলৈ উলাইছে। চেন্নাইইন এফ চিৰ ফুটবলাৰ বিজয় ছেত্ৰীয়ে উৰুগুৱেৰ ক্লাব কলন ফুটবল ক্লাবৰ সৈতে চুক্তিবদ্ধ হৈছে। লুইছ ছুয়াৰেজ, ডিয়েগো ফৰ্লানৰ দেশত খেলা দেখা যাব তেওঁক।
২২ বছৰীয়া বিজয়ে লেটিন আমেৰিকাত ক্লাব ফুটবল খেলা প্ৰথমজন ভাৰতীয় ফুটবলাৰ হিচাপে পৰিগণিত হ’ব। ২০২৪ চনৰ শেষলৈকে তেওঁ উৰুগুৱেৰ ক্লাবত ঋণত খেলিব। ১১৬ বছৰীয়া ক্লাবটোৱে এতিয়া উৰুগুৱেৰ দ্বিতীয় বিভাগত খেলি আছে।
চেন্নাইইনৰ এগৰাকী নেত্ৰী ভিটা ডানীয়ে কয়- ''আমি অতিশয় সুখী। বিশ্বৰ প্ৰিমিয়াৰ ফুটবল ক্লাবৰ এটা ক্লাবৰ হৈ খেলাৰ সুযোগ পাইছে। উৰুগুৱেৰ ফুটবল ইতিহাসৰ বিষয়ে আমি সকলোৱে জানো। উৰুগুৱেই দুবাৰকৈ বিশ্বকাপ আৰু দুবাৰকৈ অলিম্পিকৰ স্বৰ্ণ জয় কৰিছে। লেটিন আমেৰিকাৰ অন্যতম শ্ৰেষ্ঠ ফুটবল শক্তি। প্ৰথম বিশ্বকাপৰ পূৰ্বে প্ৰতিষ্ঠা হোৱা ক্লাবত খেলাৰ সুযোগ পাইছিল বিজয়ে। আমি সকলোৱে তেওঁক লৈ গৌৰৱান্বিত।”
বিদেশী ক্লাবত খেলাৰ সুযোগ পাই বিজয় নিজেই উৎফুল্লিত হৈ পৰিছে। ইয়াৰ বাবে তেওঁ চেন্নাই কৰ্তৃপক্ষ আৰু তেওঁৰ এজেণ্ট ছকাৰ কনচালটেণ্ট গ্ৰুপক কৃতিত্ব দিয়ে। বিজয়ে কয়, ‘এজন পেছাদাৰী ফুটবলাৰ হিচাপে মই নতুন প্ৰত্যাহ্বান গ্ৰহণ কৰিবলৈ সাজু। মই মোৰ সাধ্য অনুসৰি দিবলৈ চেষ্টা কৰিম। আশাকৰোঁ উৰুগুৱেৰ ক্লাবত খেলাৰ অভিজ্ঞতাই মোক ফুটবলাৰ হিচাপেও উন্নত কৰিব। ভাৰতীয় ফুটবলৰ মানদণ্ড বজাই ৰাখিবলৈ চেষ্টা কৰিম।\
Continue Reading
