ডিজিটেল ডেস্কঃ অধিনায়কত্ব ত্যাগ কৰিলেও নেতৃত্বৰ দায়িত্ব এতিয়াও তেওঁৰ কান্ধত নিহিত হৈ আছে। যেতিয়া দলটো বিপদত পৰে তেতিয়া তেওঁ প্ৰথমে আগবাঢ়ি আহে। বলাৰসকলে তেওঁক এতিয়াও দলৰ নেতা হিচাপে গণ্য কৰে। গুজৰাটক পৰাস্ত কৰাৰ পিছত এই মন্তব্য চেন্নাইৰ পেচাৰ দীপক চ

Listen to Article

2 min read

80%

ডিজিটেল ডেস্কঃ অধিনায়কত্ব ত্যাগ কৰিলেও নেতৃত্বৰ দায়িত্ব এতিয়াও তেওঁৰ কান্ধত নিহিত হৈ আছে। যেতিয়া দলটো বিপদত পৰে তেতিয়া তেওঁ প্ৰথমে আগবাঢ়ি আহে। বলাৰসকলে তেওঁক এতিয়াও দলৰ নেতা হিচাপে গণ্য কৰে। গুজৰাটক পৰাস্ত কৰাৰ পিছত এই মন্তব্য চেন্নাইৰ পেচাৰ দীপক চহৰে। তেওঁ কয় যে ফিল্ডিং সলনি কৰাৰ সময়ত ধোনিৰ সৈতে এতিয়াও কথা পাতে।

খেলৰ অন্তত দীপকে কয়, ‘ফিল্ডিং ছেট কৰাৰ পিছতো ধোনীলৈ চাওঁ। অধিনায়ক হিচাপেও ভাল খেলি আছে ৰুতুৰাজে। কিন্তু বলিং কৰি থাকোঁতে ধোনিকো চাব লাগিব।’’

আই পি এল আৰম্ভ হোৱাৰ আগদিনা ধোনীয়ে অধিনায়কৰ পদৰ পৰা পদত্যাগ কৰে। অধিনায়কসকলৰ ফটো শ্বুটত চেন্নাইৰ নতুন অধিনায়ক ঘোষণা কৰা হয়।

মঙলবাৰৰ খেলখনত দীপকৰ বলিঙে চকু কপালত তুলিছিল। পাৱাৰ প্লে’ত গুজৰাটক যি ঠেলা দিছিল সেয়া তেওঁলোকে চম্ভালিব পৰা নাছিল। নিজৰ বলিঙৰ সন্দৰ্ভত দীপকে কয়, ‘মই খেল আৰম্ভ কৰাৰ পৰাই পাৱাৰপ্লে’ত তিনিটা অভাৰত বলিং কৰিছিলো। গতিকে মোৰ বাবে ই নতুন কথা নহয়। নতুন নিয়মবোৰ মনত ৰাখি মই বলিং কৰিবলৈ চেষ্টা কৰিছো।"

এইবাৰৰ আই পি এলত প্ৰতি অভাৰত দুজন বাউন্সাৰৰ নিয়ম প্ৰৱৰ্তন কৰা হৈছে। সেই প্ৰসংগত দীপকে কয়, “আগতে যদি প্ৰথম দুটা-তিনিটা বলত বাউন্সাৰ দিয়া হয়, তেন্তে বেটছমেনসকল সম্পূৰ্ণ লেংথ বলৰ বাবে সাজু হ’লহেঁতেন।” কিন্তু নতুন নিয়মৰ বাবে পৰৱৰ্তী বলটো বাউন্সাৰ হ’ব পাৰে বুলি কোনেও ৰিস্ক ল’ব নিবিচাৰে। ইয়াৰ পৰা পেচাৰসকলে বহুত সহায় পাইছে।"