অভিনেত্ৰী ৰাখী সাৱন্তৰ মাতৃ জয়া বেদৰ মাৰাত্মক ৰোগত আক্ৰান্ত হৈ মৃত্যু ঘটিছে। তেওঁ মস্তিষ্কৰ কৰ্কট ৰোগত আক্ৰান্ত হৈ আছিল। জয়াক মুম্বাইৰ টাটা মেম'ৰিয়েল হস্পিটেলত ভৰ্তি কৰোৱা হৈছিল। মাতৃৰ বিয়োগৰ পিছতে প্ৰাক্তন 'বিগ বছ' তাৰকা ৰাখী সাৱন্ত কান্দোনত ভাগি পৰাৰ

Listen to Article

2 min read

80%

ডিজিটেল ডেস্কঃ অভিনেত্ৰী ৰাখী সাৱন্তৰ মাতৃ জয়া বেদৰ মাৰাত্মক ৰোগত আক্ৰান্ত হৈ মৃত্যু ঘটিছে। তেওঁ মস্তিষ্কৰ কৰ্কট ৰোগত আক্ৰান্ত হৈ আছিল। জয়াক মুম্বাইৰ টাটা মেম'ৰিয়েল হস্পিটেলত ভৰ্তি কৰোৱা হৈছিল। মাতৃৰ বিয়োগৰ পিছতে প্ৰাক্তন 'বিগ বছ' তাৰকা ৰাখী সাৱন্ত কান্দোনত ভাগি পৰাৰ দৃশ্যই সকলোৰে হূদয় চুই যায়৷ উন্নত চিকিৎসাৰ পিছতো জয়াক বচাব পৰা নগ'ল।

মাকৰ মৃত্যুৰ পিছ, অভিনেত্ৰীগৰাকীয়ে তেওঁৰ স্বামী আদিল দুৰানীক বিচাৰি আছিল। তেওঁৰ বন্ধুসকলে তেওঁক চম্ভালিবলৈ চেষ্টা কৰি আছিল। কিন্তু ৰাখীক যেন কোনেও শান্ত কৰিব পৰা নাছিল৷ কান্দি কান্দিয়েই ৰাখীয়ে ক’লে ক'লে, "আদিল ক'ত আছে? কোনোবাই তেওঁক ফোন কৰা। "

ৰাখীয়ে ইতিমধ্যে তেওঁৰ মাকৰ সৈতে এটা পুৰণি ভিডিঅ' শ্বেয়াৰ কৰিছে। জয়াৰ মৃত্যুৰ আগৰ পৰিস্থিতি তাত দেখা গৈছে। ভিডিঅ'টো শ্বেয়াৰ কৰি ৰাখীয়ে লিখিছিল, "মায়ে আৰু কেতিয়াও মোৰ মূৰত হাত থৈ মোক নিচুকাবলৈ নাহে। মই সকলো হেৰুৱাই পেলাইছো। মোৰ হেৰুৱাবলৈ আৰু একো বাকী নাই। এইবাৰ মই ক'লৈ যাম, মই কি কৰিম? মা, মই তোমাক বহুত ভাল পাওঁ... ৷উল্লেখ্য ৰাখীৰ মাতৃৰ মৃতদেহৰ অন্তিম সংস্কাৰ দেওবাৰে সম্পন্ন কৰা হ'ব৷