ডিজিটেল ডেস্কঃ ৰাজস্থানৰ কোটাত পুনৰ ছাত্ৰীৰ আত্মহত্যা। শিক্ষানগৰী কোটাত বছৰৰ প্ৰথম মাহতে দুগৰাকী ছাত্ৰই আত্মহত্যা কৰিছে। এইবাৰ আত্মহত্যা কৰিলে ৰাজস্থানৰ কোটাত আইআইটি জেইইৰ বাবে প্ৰস্তুতি চলাই থকা ১৮ বছৰীয়া নিহাৰিকাই। JEE Mains exam ২ দিনৰ পিছত হোৱাৰ কথা আছিল। পৰীক্ষাৰ দুদিন পূৰ্বে আত্মহনন কৰে মেধাৱী ছাত্ৰী নিহাৰীকাই। ছাত্ৰীগৰাকীৰ মৃত্যুত পৰিয়ালটো দুখত ভাগি পৰিছে।
তিনি ভগ্নীৰ ভিতৰত নিহাৰিকা ডাঙৰ আছিল। দেউতাক বেংকৰ গানমেন আছিল।
নিহাৰীকাৰ JEE Main পৰীক্ষা আছিল ৩০ জানুৱাৰীত। ছাত্ৰীগৰাকীৰ কোঠাৰ পৰা এখন ছুইচাইড নোট পোৱা গৈছে, য’ত তেওঁ পৰীক্ষাৰ চাপৰ কথা উল্লেখ কৰিছে।
আত্মহত্যাৰ আগে আগে ছাত্ৰীগৰাকীয়ে ছুইচাইড নোটত লিখিছিল, ‘‘মা-দেউতা, মই JEE কৰিব নোৱাৰো, সেইবাবেই মই আত্মহত্যা কৰিছো, মই পৰাজিত, মই আটাইতকৈ বেয়া ছোৱালী, ক্ষমা কৰিবা মা-দেউতা... আত্মহত্যাই মোৰ বাবে শেষ বিকল্প।’’
উল্লেখ্য যে মাত্ৰ এসপ্তাহৰ আগতে শিক্ষানগৰী নামেৰে পৰিচিত কোটাত NEETৰ বাবে প্ৰস্তুতি চলাই থকা এজন ছাত্ৰই ফাঁচী লগাই আত্মহত্যা কৰিছিল। ছাত্ৰজনৰ বয়স আছিল ১৭ৰ পৰা ১৮ বছৰ। মৃত ছাত্ৰজন ইউ পিৰ মোৰাদাবাদ জিলাৰ বাসিন্দা আছিল।
Continue Reading
