ডিজিটেল ডেস্কঃ জনপ্ৰিয় ফুড দেলিভাৰী কোম্পানী ছুইগীয়ে মহিলা সকলৰ সুবিধাৰ প্ৰতি বিশেষ পদক্ষেপ গ্ৰহণ কৰিছে। ছুইগীৰ পদক্ষেপক সকলোৱে একমুখে প্ৰশংসা কৰিছে। মহিলা কৰ্মচাৰীসকলে ঋতুস্ৰাৱৰ দিনত যিমান সমস্যাৰ সন্মুখীন হ'লেও কাম কৰিব লগা হয় কাৰণ ঋতুস্ৰাৱৰ দিন বুলি কোনো মহিলাই ছুটী নাপায় বা ছুটীৰ বাবে আবেদন কৰিব নোৱাৰে। এইকেইটা দিনত ভিন্ন সমস্যা লগত লৈয়ে কাম কৰিব লগা হয় মহিলা কৰ্মচাৰীসকলে।
ছুইগীয়ে এই ক্ষেত্ৰত এক নজিৰ সৃষ্টি কৰিলে। ছুইগীৰ মহিলা কৰ্মচাৰীৰ বাবে মাহেকীয়াৰ দিন কেইটাত তেওঁলোকৰ বাবে এক বিশেষ বন্ধৰ (Swiggy Women Period Leave) ঘোষণা কৰিছে কোম্পানীটোৱে। ছুইগীয়ে মহিলা কৰ্মচাৰীসকলক বিশেষ অসুবিধাৰ পৰা সকাহ দিবলৈ এই ঋতুকালীন বন্ধ আৰম্ভ কৰিছে।
কোম্পানীটোৱে ঘোষণা কৰিছে যে কৰ্মচাৰীসকলক ঋতুস্ৰাৱৰ সময়ত 'কোনো প্ৰশ্ন নোহোৱাকৈ' দুদিনৰ বাবে ছুটি দিয়া হ'ব। ছুইগীয়ে কয় যে "এই পদক্ষেপটো মহিলাসকলৰ স্বাস্থ্যৰ প্ৰতি লক্ষ্য ৰাখি লোৱা হৈছে। মহিলাসকলৰ
স্বাস্থ্যই যদি সুৰক্ষিত নহয় তেন্তে এখন ঘৰ বা এটা প্ৰতিষ্ঠান কেনেকৈ সুৰক্ষিত হ'ব, গতিকে মহিলাসকলৰ শৰীৰ আৰু স্বাস্থ্যৰ প্ৰতি যত্ন লোৱাটো আমাৰ সকলোৰে নৈতিক দায়িত্ব হোৱা উচিত।"
Continue Reading
