মাজবাটত একাংশ মুছলিমৰ কাণ্ডই লাজত পেলাইছে মুছলমান সমাজক! এনে ঘটনাৰ পৰা পৰিত্ৰাণ পাবলৈ অনুষ্ঠিত সজাগতা সভা

ডিজিটেল ডেস্কঃ ওদালগুৰিৰ মাজবাটত একাংশ অপৰাধমূলক কামেৰে জড়িত থাকে মুছলমান সম্প্ৰদায়ৰ একাংশ যুৱক। অসৎ মনোবৃত্তিৰ যুৱকৰ বাবে গোটেই অঞ্চলটোত বদনামৰ ভাগী হ'ব লগা হৈছে সমগ্র মুছলমান সমাজ।

ওদালগুৰি জিলাৰ মাজবাটত 'বৃহত্তৰ মাজবাট মুছলিম সচেতন সমাজ'ৰ উদ্যোগত সজাগতা সভা অনুষ্ঠিত কৰা হৈছে। অভিযোগ অনুসৰি অঞ্চলটোত গৰুচুৰি, হত্যা, ধৰ্ষণ, ডকাইতি, চুৰিকাণ্ড, ড্ৰাগছ সৰবৰাহ আদি বিভিন্ন অপৰাধমূলক কৰ্ম কৰি আহিছে মুছলমান সমাজৰ একাংশ যুৱকে। বিগত বৰ্ষতো এগৰাকী কিশোৰীক ৫ নৰপিষাচে ধর্ষণ কৰা ঘটনাই কঁপাইছিল সমগ্র অসম ।

যোৱা কিছুদিন পূর্বেও মাজবাটৰ মাজ মজিয়াত এগৰাকী মুছলমান যুৱকে এগৰাকী কিশোৰীক চলাইছিল ধৰ্ষণৰ অপচেষ্টা। এনে বহু ঘটনাই এতিয়া লাজত পেলাইছে মুছলমান সমাজক। যাৰবাবে এনে ঘটনাৰ পৰা পৰিত্ৰাণ পাবলৈ অনুষ্ঠিত কৰা হৈছে সজাগতা সভা।

অঞ্চলটোৰ আটাইকেইটা জাতীয় সংগঠনৰ উপস্থিতিত মাজবাটৰ ১ নং নাহৰবাৰীত অনুষ্ঠিত হয় সজাগতা সভা। ভৱিষ্যতে যদি পুনৰাই কোনো মুছলমান যুৱক অপৰাধজনিত কামৰ সৈতে জড়িত হয় , তেন্তে ৰাইজে মিলি কঠোৰতম শাস্তি বিহি আৰক্ষীক গতাই দিয়া হ'ব বুলি মন্তব্য অঞ্চলবাসীৰ।