ডিজিটেল ডেস্কঃ সমগ্ৰ দেশতে কৰোনাৰ আধিপত্যৰ মাজতে নতুন আতংকৰ সৃষ্টি কৰিছে মাংকি পক্সেষ। মাৰাত্মক ৰোগবিধে আফ্ৰিকাৰ পৰা আহি ভাৰততো প্ৰৱেশ কৰিছে। এতিয়ালৈকে দেশত মাংকি পক্সত আঠজন লোকআক্ৰান্ত হৈছে। মৃত্যু হৈছে এজন লোকৰ। আক্ৰান্তসকলৰ মাজৰে পাঁচজন কেৰালাৰ আৰু তিনিজন দিল্লীৰ। কেলিফ’ৰ্নিয়াকে ধৰি বিশ্বৰ বহু ঠাইত মাংকি পক্সৰ সংক্ৰমণৰ বাবেই স্বাস্থ্য সম্পৰ্কীয় জৰুৰী অৱস্থা ঘোষণা কৰা হৈছে। এনে পৰিস্থিতিত ৰোগ বিধকলৈ সতৰ্ক হৈ পৰিছে ভাৰত চৰকাৰো। স্বাস্থ্য মন্ত্ৰালয়ে বুধবাৰে মাংকিপক্স সন্দৰ্ভত বিশেষ নিৰ্দেশনা প্ৰকাশ কৰি সাধাৰণ ৰাইজক সতৰ্ক কৰি দিছে। মাংকি পক্সৰ পৰা নিজকে সুৰক্ষিত কৰিবলৈ কি কৰিব লাগে আৰু কি কৰিব নালাগে সেই বিষয়ত কেন্দ্ৰৰ নিৰ্দেশনাত কোৱা হৈছে।
কি কৰিব?
১. মাংকি পক্সত আক্ৰান্ত ব্যক্তিজনক লগে লগে আনৰ পৰা আঁতৰাই ৰখাৰ ব্যৱস্থা কৰক। যাতে তেওঁৰ পৰা আন কোনো লোক সংক্ৰমিত হ’ব নোৱাৰে।
২. নিজৰ লগত হেণ্ড চেনিটাইজাৰ ৰাখিব। যদি আপুনি ঘৰত আছে চাবোনেৰে আপোনাৰ হাত ধুই থাকিব।
৩.যদি আপুনি ৰোগীৰ ওচৰলৈ যাব লগা হয় তেন্তে মাস্ক আৰু হাতমোজা পিন্ধিব । ব্যৱহাৰৰ পিছত সেইবোৰ পেলাই দিব।
৪.আপোনাৰ চৌদিশ পৰিষ্কাৰ কৰি ৰাখিবলৈ বীজাণুনাশক স্প্ৰে কৰিব।
কি কৰিব নালাগে?
১, ৰোগীৰ বিচনা, কাপোৰ, টাৱেল, বাচন-বৰ্তন আনে ব্যৱহাৰ নকৰিব।
২.যদি কাৰোৱাৰ মাংকি পক্সৰ লক্ষণ থাকে তেন্তে তেওঁ ঘৰৰ বাহিৰলৈ ওলাই নোযোৱাই ভাল। ই সংক্ৰমণ বিয়পাৰ আশংকা বৃদ্ধি কৰে।
৩.সংক্ৰমিত বা লক্ষণ থকা লোকৰ চিকিৎসাত অৱহেলা নকৰিব। সামাজিক মাধ্যমত প্ৰকাশিত ভুৱা বাতৰি বোৰ বিশ্বাস নকৰিব।
Continue Reading
