মায়ং আৰক্ষীৰ বৃহৎ সাফল্য; ড্ৰাগছসহ আটক দুজন সৰবৰাহকাৰী

ডিজিটেল ডেস্ক: ৰাজ্যত বিৰামহীনভাৱে অব্যাহত আছে ড্ৰাগছ বিৰোধী অভিযান। অসম আৰক্ষীয়ে ৰাজ্যৰ বিভিন্ন প্ৰান্তত ড্রাগছৰ বিৰুদ্ধে অভিযান চলাই বহুসংখ্যক ড্ৰাগছ সৰবৰাহকাৰীক গ্ৰেপ্তাৰ কৰাৰ লগতে বৃহৎ পৰিমাণৰ ড্ৰাগছ জব্দ কৰিবলৈ সক্ষম হৈছে ।

আৰক্ষীৰ বিৰামহীন অভিযান অব্যাহত আছে যদিও ৰাজ্যত ড্ৰাগছৰ প্ৰচলন সম্পূৰ্ণৰূপে বন্ধ হোৱা নাই। অসম আৰক্ষীয়ে ড্ৰাগছৰ বিৰুদ্ধে যিমানেই অভিযান কঠোৰ কৰিছে সিমানেই অসাধু ব্যৱসায়ীসকলে নতুন নতুন কৌশল অৱলম্বন কৰিছে। সৰবৰাহকাৰীসকলে বিভিন্ন কৌশলেৰে ড্ৰাগছৰ সৰবৰাহ কৰি আহিছে । তাৰ মাজতে কিছুমান ধৰা পৰি আহিছে । শেহতীয়াকৈ পুনৰ পোহৰলৈ আহিছে ড্ৰাগছৰ সৈতে জড়িত এক খবৰ।

ড্ৰাগছ বিৰোধী অভিযানত মায়ং আৰক্ষীৰ বৃহৎ সাফল্য। আৰক্ষীৰ অভিযানত বুজন পৰিমাণৰ ড্ৰাগছ জব্দ কৰিবলৈ সক্ষম হয়। ১৮টা ড্ৰাগছ কণ্টেইনাৰসহ আটক দুজন ড্ৰাগছ সৰবৰাহকাৰী।

ধৃত সৰবৰাহকাৰী কেইজন ক্ৰমে মায়ঙৰ বেৰাদীয়া গাঁৱৰ জীতেশ সন্ন্যাসী (২৪) আৰু মায়ঙৰ লেচৰীবড়ী গাঁৱৰ মাহমাদুল ইছলাম (৩২)।

মায়ং আৰক্ষীৰ এটা বৃহৎ দলে এক গোপন সূত্ৰৰ খবৰত অভিযান চলাই মায়ঙৰ লেচেৰীবড়ীত আশীগড় সংযোগী পথত তালাচী চলাই এখন চাৰি চকীয়া বাহন AS-21-J-3176 নম্বৰৰ এল্টো গাড়ীসহ আটক কৰে সৰবৰাহকাৰী দুজনক।